وزبەكباسى دا تۋرا نازارباەۆ سالعان سارا جولمەن كەتتى.
بۇكىل وتباسى مەملەكەتتى مەنشىكتەپ الدى دەسە دە بولادى. ميرزيەەۆتىڭ ەكى اپكەسى مەن ءبىر اعاسى بار. ولار مەملەكەتتىك ەكونوميكانىڭ قۇرىلىس جانە گاز سەكتورى سياقتى ستراتەگيالىق ماڭىزدى سالالارىنداعى كومپانيالارعا يەلىك ەتەدى. ەلدەگى ساۋدا ساتتىق، بازار، اۋىلشارۋاشىلىق سالالارى پرەزيدەنتتىڭ اپكەلەرى مەن جەزدەلەرىنىڭ بيزنەسى.
پرەزيدەنتتىڭ جۇبايى زيرواتحون حوشيموۆا ەلدەگى دەنساۋلىق ساقتاۋ سالاسى مەن فارماتسەۆتيكانى جەكەشەلەندىرىپ العان دەسە دە بولادى.
ۇلكەن قىزى سايدا ميرزيەەۆا پرەزيدەنت اكىمشىلىگىنىڭ كوممۋنيكاتسيا سەكتورىنىڭ مەڭگەرۋشىسى.
كىشى قىزى شاحنوز ميرزيەەۆا ۇلتتىق الەۋمەتتىك قامسىزداندىرۋ اگەنتتىگى ديرەكتورىنىڭ ءبىرىنشى ورىنباسارى.
ەكى قىزدىڭ دا كۇيەۋلەرى ەلدەگى ەڭ بەدەلدى ءارى مەملەكەتتىك قۇرىلىمدارعا ىقپال ەتەتىن بيزنەسمەندەر.
ال، اۋلەتتىڭ قۇدالارى Truck And Bus Trade Group جانە Turon Avto, UzAuto Motors, BMB Trade Group سياقتى وزبەكستانداعى الپاۋىت زاۋىتتاردى باسقارادى. دجيزاح پەن سىرداريا وبلىستارىنداعى مىڭداعان گەكتار قۇنارلى جەرلەر دە وسى قۇيرىق باۋىر اساسقان تۋىستاردىڭ ەنشىسىندە.
ميرزيەەۆتىڭ جيەن كۇيەۋبالالارى باس پروكۋراتۋرا مەن قاۋىپسىزدىك سالاسىنا باسشىلىق جاسايدى.
شاۆكات ميرزيەەۆتىڭ قايىنجۇرتى دا وسال ەمەس. حوشيموۆانىڭ تۋىستارىنا تيەسىلى تاشكەنتتەگى مەيرامحانالار، سۇلۋلىق سالوندارى مەن ءساندى ءسان ۇيلەرى، First Premium Alliance, Asia Luxe Travel كومپانياسى، «روميتەكس» فابريكاسى، قوقان بيوحيم سپيرت زاۋىتى، «Uzbekistan Airways» مەملەكەتتىك اۆياكومپانياسى از دۇنيە ەمەس.
مىناۋ وزبەك باسشىسىنىڭ تۋىستارىنىڭ ەل بىلەتىن مەنشىكتەرى. جۇرتتان جاسىرعاندارى قانشاما؟
ميرزيەەۆ ءوزىنىڭ الدىنداعى مەملەكەت باسشىسى، ءوزىنىڭ ۇستازى يسلام كاريموۆتىڭ وتباسىنان ساباق الماعان ەكەن.
ۇقساس جاڭالىقتار
