مىڭ تاعزىم سىزگە، مايدانگەر!

312
Adyrna.kz Telegram

بۇگىن شىمكەنتتە ۇلى جەڭىستىڭ 78 جىلدىعىنا ارنالعان سالتاناتتى ءىس شارا ءوتتى. مەرەكەلىك جيىنعا قالا اكىمى مۇرات ايتەنوۆ پەن ءماسليحات دەپۋتاتتارى، زيالى قاۋىم وكىلدەرى مەن ارداگەرلەردىڭ ۇرپاقتارى قاتىسىپ، "داڭق" مەموريالدىق كەشەنىنە گۇل شوقتارىن قويدى. سالتاناتتى شارادا اسكەري ۇرمەلى اسپاپتار وركەسترى تاقىرىپتىق مارشتار ورىنداپ، مەرەكەلىك كوڭىل كۇي سىيلادى.
قوناقتار «مايدان دالاسى» الاڭىنا بەت الىپ، ۇلى وتان سوعىسى جانە تىل ەڭبەككەرلەرىنە ارنالعان اسكەري ومىردەن تەاترلاندىرىلعان كورىنىستەردى تاماشالادى. قاندى سوعىس جىلدارىن بەينەلەگەن قويىلىمدار كوپشىلىككە ۇمىتىلماس اسەر سىيلادى. قوناقتارعا مايدانداعىداي «دالا بوتقاسى» ۇسىنىلدى. ونەرپازدار زۇلمات كەزەڭدى تاقىرىپقا ارقاۋ ەتكەن “كاتيۋشا”، “انا تۋرالى باللادا”، “جەڭىس كۇنى”، “كەستەلى ورامال” اندەرىن اۋەلەتە شىرقادى.
ايتا كەتەيىك، ۇلى وتان سوعىسىنا شىمكەنتتەن 23 مىڭنان استام ازامات اتتاندى. قازىرگى تاڭدا قالادا 3 ارداگەر 2 مىڭنان اسا تىل ارداگەرى تۇرادى.

پىكىرلەر