پرەزيدەنت قاسىم-جومارت توقاەۆ سۋ تاسقىنى مەن لاي كوشكىنى سالدارىنان كوپ ادامنىڭ قازا تابۋىنا بايلانىستى كورەيا رەسپۋبليكاسىنىڭ پرەزيدەنتى يۋن سوك يولگە كوڭىل ايتۋ جەدەلحاتىن جولدادى، دەپ حابارلايدى "ادىرنا" ۇلتتىق پورتالى akorda.kz-كە سىلتەمە كورسەتە وتىرىپ.
– تابيعات اپاتى سالدارىنان بولعان ورنى تولماس قايعىعا ورتاقتاسىپ، سىزگە جانە جاقىندارىنان ايىرىلعان ازاماتتارعا قازاقستان حالقىنىڭ جانە جەكە ءوزىمنىڭ اتىمنان كوڭىل ايتامىن. زارداپ شەككەن جانداردىڭ تەز ارادا ساۋىعۋىن، ءىز-ءتۇسسىز جوعالعان ازاماتتاردىڭ وتباسىلارىنا ورالۋىن تىلەيمىن، – دەپ جازىلعان جەدەلحاتتا.
ەسكە سالا كەتەيىك، وڭتۇستىك كورەيادا قاتتى جاۋعان نوسەردەن سوڭ سۋ تاسىپ، كوشكىن بولدى. مىڭداعان ادام ەۆاكۋاتسيالاندى. رەسمي دەرەكتەر 32 ادام قازا تاۋىپ، ونداعانى جوعالعانىن جازدى.
"ادىرنا" ۇلتتىق پورتالى
