قىتايدىڭ بىلىم الماسۋ قىزمەت كورسەتۋ ورتالىعى شەتەلدىك ۋنيۆەرسيتەتتەردىڭ ديپلومدارىن رەسمي تۇردە تانۋ ءتىزىمىن جاڭارتىپ، 270 وقۋ ورنىن الىپ تاستادى، دەپ حابارلايدى "ادىرنا" ۇلتتىق پورتالى.
جەرگىلىكتى باق دەرەگىنشە، كەي شەتەلدىك جوو تۇلەكتەرى ديپلومدارىن قىتايدا تىركەي المايدى. ال ديپلومدى تىركەۋ كەيبىر مەملەكەتتىك قىزمەتتەرگە ەمتيحان تاپسىرۋ، راسىمدەۋ نەمەسە بەلگىلى ءبىر لاۋازىمدارعا جۇمىسقا ورنالاسۋ ءۇشىن قاجەت.
باقكو ءوز شەشىمىن وقۋ ورىندارىنىڭ ساپاسىن تەكسەرەتىن جوسپارلى اۋديت قورىتىندىسىنا بايلانىستىردى. تىزىمنەن شىعارىلعان وقۋ ورىندارىنىڭ كەيبىرى دەرەكتەردى جەتكىزبەگەن، كەيبىرى جۇمىسىن توقتاتقان نەمەسە تالاپتارعا ساي ەمەس دەپ تانىلعان.
سونىمەن قاتار، 606 جاڭا ۋنيۆەرسيتەت تىزىمگە ەنگىزىلدى. وزگەرىستەر ەڭ كوپ اسەر ەتكەن ەلدەر قاتارىندا اقش بار. وندا 63 ۋنيۆەرسيتەت تىزىمنەن شىققان. وڭتۇستىك كورەيادان 15, رەسەيدەن 11 وقۋ ورنى تانىلۋدان الىندى.
