اقتاۋدا، 17 شاعىن اۋدانىنداعى №54 ءۇيدىڭ ماڭىنداعى فۋتبول الاڭىندا بەيتانىس ايەلدىڭ ويىن بالاسىن اياۋسىز ۇرعانى ۆيدەوعا ءتۇسىپ قالدى. ءتارتىپ ساقشىلارى بولعان وقيعانى راستادى، دەپ حابارلايدى "ادىرنا" ۇلتتىق پورتالى lada.kz سايتىنا سىلتەمە جاساپ.
ۆيدەو اۆتورىنىڭ ايتۋىنشا، بالالار فۋتبول ويناپ جۇرگەن. ءبىر كەزدە بالالاردىڭ ءبىرى تەپكەن دوپ وقىستا ەكىنشى بالاعا تيگەن.
«دوپ تيگەن بالانىڭ اجەسى نەمەرەسىن قورعاپ، رەنجىتكەن بالانى ۇرا باستاعان. زارداپ شەككەن بالانىڭ اناسى بۇل ۋاقىتتا قالادا بولماعان، ال اكەسى جۇمىستا بولعان»، - دەيدى كۋاگەر.پوليتسيا دەپارتامەنتىنەن حابارلاعانداي، ءتارتىپ ساقشىلارى اتالعان مەكەنجاي بويىنشا تەكسەرۋ جۇرگىزگەن جانە فاكتى راستالعان. وقيعا 14 شىلدەدە بولعان. 15 شىلدە كۇنى كەشكىسىن تاياق جەگەن بالانىڭ اتا-اناسى وبلىستىق بالالار اۋرۋحاناسىنا جۇگىنگەن.
«64 جاستاعى ايەلگە قر اكىمشىلىك كودەكسىنىڭ 73-1 بابى (دەنساۋلىققا قاساقانا جەڭىل جاراقات كەلتىرۋ) بويىنشا حاتتاما تولتىرىلىپ، شەشىم قابىلداۋ ءۇشىن اكىمشىلىك سوتقا جىبەرىلەدى»، - دەپ مالىمدەدى ساقشىلار.زاڭ بويىنشا، ايىپتالۋشى 15 اەك كولەمىندە ايىپپۇل تولەيدى نەمەسە 15 تاۋلىككە دەيىن اكىمشىلىك قاماۋعا الىنۋى مۇمكىن.
"ادىرنا" ۇلتتىق پورتالى
ۇقساس جاڭالىقتار
