پاۆلودار پوليتسياسى كوپقاباتتى تۇرعىن ۇيدەن قۇلاعان مۇز كەسەگىنىڭ سالدارىنان 25 جاستاعى ايەلدىڭ اۋىر باس جاراقاتىن الۋىنا بايلانىستى وقيعانىڭ ءمان-جايىن انىقتادى، دەپ حابارلايدى «ادىرنا» ءتىلشىسى.
وبلىستىق پد مالىمەتىنشە، وقيعاعا 12 جاستاعى قىز بالا سەبەپ بولعان. ءجاسوسپىرىم بالكوندا تۇرىپ، مۇزدىڭ ءبىر بولىگىن سىندىرماق بولعان. سول ساتتە مۇز قولىنان ابايسىزدا ءتۇسىپ كەتىپ، تومەنگە قۇلاعان. ناتيجەسىندە ول ءوتىپ بارا جاتقان ايەلدىڭ باسىنا تۇسكەن.
بولعان وقيعادان شوشىنعان بالالار بولعان جايدى ۇلكەندەرگە ايتپاي، جاسىرىپ قالعان.
«بالا تاربيەلەۋدەگى مىندەتتەردى تيىسىنشە ورىنداماعانى ءۇشىن كامەلەتكە تولماعان بالانىڭ زاڭدى وكىلدەرى اكىمشىلىك جاۋاپكەرشىلىككە تارتىلدى. اتا-انالارى بولعان جاعدايدى تولىق مويىندادى»، – دەپ ءتۇسىندىردى پوليتسيا.
ەسكە سالايىق، وقيعا 8 شىلدە كۇنى بولعان ەدى. زارداپ شەككەن ايەلدىڭ تۋىستارى وسى ۋاقىتقا دەيىن پوليتسەيلەر كىنالىلەردى تابا الماي جۇرگەنىنە شاعىمدانعان بولاتىن.
