اقتاۋدا ەر ادام پسيحوتروپتىق زاتتاردى جاسىرعان، دەپ حابارلايدى "ادىرنا" ءتىلشىسى BAQ.KZ -كە سىلتەمە جاساپ.
34 جاستاعى ەر ادام اقتاۋدا سۋشي-ماركەتتەر جەلىسىنىڭ باسشىسى بولىپ جۇمىس ىستەگەن. ال وعان 32 جاستاعى ەر ادام كومەكتەسىپ، زاڭسىز ارەكەتكە بارعان. ولار پسيحوتروپتىق زاتتاردىڭ پارتيالارىن جاسىرىپ، ەسىرتكىنى بۋىپ-ءتۇيۋ بويىنشا تاپسىرمالار مەن كوورديناتتاردى Telegram قوسىمشاسى ارقىلى الىپ وتىرعان، - دەپ حابارلادى ىشكى ىستەر مينيسترلىگىندە وتكەن ءباسپاسوز ءماسليحاتىندا ۆەدومستۆو وكىلى شۇعىلا تۇرلىبەك.
ەكى ازامات تۇرعىلىقتى جەرى بويىنشا جانە كومپانيا كەڭسەسىندە ءتىنتۋ ءىس-شارالارىن جۇرگىزۋ كەزىندە بارلىعى 692 گرامم «مەفەدرون» سينتەتيكالىق پرەپاراتى تابىلىپ، تاركىلەنگەن.
زاڭعا قايشى ارەكەتكە بارعانداردىڭ قىلمىسى قك-ءنىڭ 297-بابى 3-بولىگى 1 جانە 3-تارماقتارى بويىنشا سارالاندى، ياعني، ادامدار توبىنىڭ الدىن الا ءسوز بايلاسۋ ارقىلى ەسىرتكى، پسيحوتروپتىق زاتتاردى، ولاردىڭ انالوگتارىن وتكىزۋ ماقساتىندا، اسا ءىرى مولشەردە ساتىپ الۋى، ساقتاۋى، تاسىمالداۋى. سوت قىلمىستىق توپتىڭ ەكى نەگىزگى مۇشەسىن 10 جىلعا باس بوستاندىعىنان ايىردى، - دەدى ول.
