Lada.kz سايتىنىڭ حابارلاۋىنشا، ىستىق سۋدان تارشىلىق كورۋدىڭ باستى سەبەبى "ماەك-قازاتوپروم" جشس-ءنىڭ توزىعى جەتكەن جابدىقتارىمەن تىعىز بايلانىستى. قازىرگى تاڭدا كارىز جۇيەسى مەن قۇبىرلار جوسپارلى تۇردە جوندەلىپ جاتىر.
"كەشەدەن بەرى ىستىق سۋ تاپشىلىعى ماسەلەسىمەن بەتپە-بەت كەلدىك. ونىڭ باستى سەبەبى - "ماەك-قازاتوپروم" جشس-ءنىڭ توزىعى جەتكەن جابدىقتارىن جوسپارلى جوندەۋ. قالا تۇرعىندارىن ۇزدىكسىز جىلۋمەن قامتاماسىز ەتۋ ءۇشىن امالسىزدان ىستىق سۋ بەرۋدى ۋاقىتشا شەكتەۋگە تۋرا كەلدى. بۇل جاعداي مەنىڭ ءجىتى باقىلاۋىمدا. قازىر ماسەلەنى قىسقا مەرزىمدە شەشۋ ءۇشىن بارلىق كۇش جۇمىلدىرىلدى. بارلىق ازاماتتى سابىرعا شاقىرامىز!" - دەدى اقتاۋ قالاسىنىڭ اكىمى ەربول ىزبەرگەنوۆ.
اكىم تۇرعىندارعا تەز ارادا ىستىق سۋ جەتكىزۋگە مۇرىندىق بولارىن ايتىپ وتىر.
بيىلعى قىس قازاقستاندىقتاردى سارساڭعا سالدى. ەلدە جىلىتۋ ماۋسىمى باستالعالى بەرى 26 تەحنولوگيالىق اپات ورىن الىپ، حالىق بەيمازا كۇي كەشتى.
"ادىرنا" ۇلتتىق پورتالى
