ناتو مەن ۋكرايناعا قاتىستى ەردوعاننىڭ ۇستانىمىن تۇركيا پرەزيدەنتى اكىمشىلىگى، بايلانىس باسقارماسىنىڭ باسشىسى فاحرەتتين التىن حابارلادى. ول رەجەپ تايىپ ەردوعاننىڭ ۋكراينا ساياساتىن قولدايتىنىن جانە ناتو قۇرامىنا قابىلدانۋىن قۇپ كورەتىنىن ەسكە سالدى، دەپ حابارلايدى "ادىرنا" ۇلتتىق پورتالى.
تۇرىك پرەزيدەنتى اكىمشىلىگى، كوممۋنيكاتسيالار باسقارماسىنىڭ باسشىسى فاحرەتتين التىن "Middle East Eye" جۋرنالىنا بەرگەن سۇحباتىندا:
"تۇركيا ءۇشىن باتىس لاگەرىندە بولۋ وتە ماڭىزدى", - دەدى.
سونىمەن قاتار سۇحباتتا ناتو-نىڭ گەوگرافيالىق كەڭەيۋىن "بەلگىلى ءبىر ەلگە قارسى ەمەس" سيپاتتا بولسا تۇركيانىڭ قولدايتىنى، اليانستىڭ الەمدىك تۇراقتىلىققا قول جەتكىزۋگە ىقپال ەتەتىن جان-جاقتى قاۋىپسىزدىك ۇيىمىنا اينالعانى ايتىلدى.
- ۋكراينانىڭ سولتۇستىك اتلانتيكالىق اليانسقا مۇشە بولۋ مۇمكىندىگىنىڭ زور، تۇركيا بۇل يدەيانى ءسوزسىز قولدايدى. تۇركيا پرەزيدەنتى رەجەپ تايىپ ەردوعان بۇل تۋرالى تاعى ۆيلنيۋستەگى ناتو ءسامميتىنىڭ الدىندا ايتقان ەدى، - دەپ ەسكە سالدى اۆتور.
سقحباتتا ناتو جانە شۆەتسيا مەن فينليانديا اراسىنداعى بايلانىس تا ءسوز بولادى. وعان قاتىستى:
"فينليانديا مەن شۆەتسيا سەكىلدى كانديدات ەلدەردى سىنعا العانى ءۇشىن تۇركيانى كىنالاۋ دۇرىس ەمەس. كىنامشىلدەر ءبىزدىڭ ۇلتتىق قاۋىپسىزدىگىمىزگە قايشى كەلەتىن باعىتتا ناتو-نىڭ اۋقىمدانۋى مۇمكىن ەمەس ەكەنىن ەسكەرۋى قاجەت. بۇل ناتو-نىڭ "عۇمىرلى بولۋىنا" قايشى كەلەدى", - دەپ مالىمدەدى تۇركيا پرەزيدەنتى اكىمشىلىگى، بايلانىس باسقارماسىنىڭ باسشىسى.
"ادىرنا" ۇلتتىق پورتالى
