رەسەي شەكاراسىنا تاعى ءبىر قادام. رەسەيمەن 1271,8 شاقىرىم ۇزىندىقتا شەكتەسەتىن فينليانديا رەسمي تۇردە ناتو (سولتۇستىك اتلانتيكالىق كەلىسىم ۇيىمى) مۇشەسى بولدى، دەپ حابارلايدى "ادىرنا" ۇلتتىق پورتالى.
بۇل تۋرالى پولشانىڭ پرەمەر-ءمينيسترى ماتەۋش موراۆەتسكي حابارلادى.
"فينليانديا قازىردىڭ وزىندە ناتو-دا! قۇتتىقتايمىز! بۇدان بىلاي وداقتا 31 ەل بار. الەۋەتتى سەرىكتەستەر پولشانىڭ، توڭىرەگىمىزدىڭ جانە بۇكىل الەم قاۋىپسىزدىگىنىڭ كەپىلى", - دەپ جازدى پرەمەر-مينيستر.ەستەرىڭىزگە سالا كەتەيىك، قاڭتار ايىندا تۇركيانىڭ ۇلتتىق قورعانىس ءمينيسترى حۋلۋسي اكار حەلسينكي مەن ستوكگولم بيلىگىنىڭ سولتۇستىك اتلانتيكالىق اليانسقا مۇشەلىك جونىندەگى مىندەتتەمەلەردى تولىق ورىنداماعانىن ايتتى. الايدا 2023 جىلدىڭ ناۋرىز ايىندا فينليانديانىڭ ناتو-عا مۇشەلىگى تۋرالى حاتتامانى راتيفيكاتسيالاۋ تۋرالى شەشىم قابىلداندى.
"ادىرنا" ۇلتتىق پورتالى
ناتو
ساياسات
سوعىس
فينليانديا
سولتۇستىك اتلانتيكالىق كەلىسىم ۇيىمى
اسكەريوداك
پولشانىڭ پرەمەر-ءمينيسترى ماتەۋش موراۆەتسكي
فينليانديا ناتو ۇيىمىنىڭ مۇشەسى بولدى
