اباي وبلىسىنداعى بەگەن ورمان شارۋاشىلىعىندا بولعان ورتكە بايلانىستى تۋريستەرگە دەمالىس ايماعىنان كەتۋگە كەڭەس بەرىلدى. بۇل تۋرالى توتەنشە جاعدايلار دەپارتامەنتى مەن تجد قىزمەتكەرلەرى ءتۇسىندىرۋ جۇمىستارىن جۇرگىزۋدە، دەپ حابارلايدى “ادىرنا” ۇلتتىق پورتالى.
ءورتتىڭ جانىندا قازىر دەمالۋشىلار تۇرىپ جاتقان «شوشقالا» دەمالىس ايماعى بار.
وبلىستا اۋا تەمپەراتۋراسى 28°س، سولتۇستىك-باتىستان 16 م/س جەل سوعادى.
ەسكە سالايىق، اباي وبلىسىنداعى "سەمەي ورمانى" مەملەكەتتىك ورمان تابيعي رەزەرۆاتى قىزمەتكەرلەرىنەن ساعات 11:40-تا بەگەن ورمانشىلىعى اۋماعىندا قۇرعاق ءشوپ پەن اعاشتاردىڭ جانۋى تۋرالى اقپارات كەلىپ تۇسكەن بولاتىن.
ءورت ورنىنا توتەنشە جاعدايلار مينيسترلىگى بولىمشەلەرىنىڭ كۇشتەرى مەن قۇرالدارى جىبەرىلدى: جەكە قۇرامنىڭ 100 ادامى مەن وبلىستىڭ توتەنشە جاعدايلار دەپارتامەنتىنىڭ 20-دان استام تەحنيكاسى، تجم 68303 اسكەري ءبولىمى بار
