باس پروكۋراتۋرادا مۇحتار ابليازوۆكە 30 كۇننەن كەيىن فرانتسيادان شىعۋ ۇيعارىمى بەرىلگەنى تۋرالى اقپارات جوق. بۇل تۋرالى ۆەدومستۆو مالىمدەدى، دەپ حابارلايدى “ادىرنا” ۇلتتىق پورتالى.
قازاقستان رەسپۋبليكاسىنىڭ باس پروكۋراتۋراسى فرانتسيا بيلىگىنىڭ م.ءابليازوۆتى ەلدەن شىعارۋ تۋرالى شەشىم قابىلدادى دەلىنگەن اقپاراتقا قاتىستى بۇل دەرەكتى راستايتىن نەمەسە تەرىستەيتىن سەنىمدى مالىمەتىنىڭ جوق ەكەندىگىن حابارلايدى، - دەپ اتاپ ءوتتى اتالعان ۆەدومستۆو اگەنتتىكتىڭ رەسمي ساۋالىنا وراي.
سونداي-اق، باس پروكۋراتۋرا شەتەلدىك ازماتتاردى ەلدەن شىعارۋ ماسەلەسى، ولاردىڭ كوشى-قون زاڭناماسىن ساقتاۋى فرانتسۋز رەسپۋبليكاسىنىڭ عانا ىشكى ءىسى ەكەندىگىن اتاپ وتەدى.
مەملەكەتتىك ورگان مۇحتار ءابليازوۆ ۇيىمداسقان قىلمىستىق توپتىڭ قۇرامىندا بىرقاتار اۋىر جانە اسا اۋىر قىلمىس جاساعانى ءۇشىن قازاقستاننىڭ قۇقىق قورعاۋ ورگاندارى تاراپىنان ىزدەۋدە جۇرگەنىن ايتتى. باس پروكۋراتۋرا وكىلەتتى ورگان رەتىندە ءابليازوۆتى ەكستراديتسيالاۋ بويىنشا قىلمىستىق پروتسەسسۋالدىق زاڭنامادا جانە حالىقارالىق شارتتاردا كوزدەلگەن شارالاردى قابىلداپ جاتىر.
بۇعان قوسا، قر قىلمىستىق پروتسەسسۋالدىق كودەكستىڭ 201-بابى 1-تارماعىنا سايكەس، اتالعان سوتقا دەيىنگى تەرگەۋ، ونىڭ ىشىندە قىلمىستىق ءىس بويىنشا حالىقارالىق قۇقىقتىق ىنتىماقتاستىققا قاتىستى مالىمەتتەر جاريا ەتۋگە جاتپايدى. سوندىقتان سىزدەردىڭ ساۋالدارىڭىزعا قاتىستى جان-جاقتى اقپارات قازىرگى ۋاقىتتا بەرىلمەيدى، - دەپ تۇسىندىرەدى ۆەدومستۆودان.
