اباي وبلىسىندا «Qnet» قارجىپيراميداسىن ۇيىمداستىرۋشىلار 6 جىلعا باس بوستاندىعىنان ايىرىلدى. بۇل تۋرالى پوليتسيا قىزمەتكەرلەرى مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، 2018 جىلى «ك» ەسىمدى ازامات تاۋەلسىز وكىل سەرتيفيكاتىن الا وتىرىپ، «Qnet» حالىقارالىق كومپانياسىنىڭ سايتىنا تىركەلگەن. 2021 جىلى ناۋرىزدىڭ باسىندا ءونىمدى ساتۋ جانە تاراتۋ داعدىلارى بار ول الماتى وبلىسىنىڭ اۋماعىنداعى جەلىلىك ماركەتينگ سالاسىندا قالىپتاسقان جاعدايدى زەرتتەي وتىرىپ، جەلىلىك ماركەتينگ، حالىقتىڭ ەكونوميكالىق ساۋاتتىلىعىنىڭ تومەندىگىن پايدالانىپ، زاڭسىز تابىس كوزىن تابۋ جانە پيراميدانى باسقارۋ نيەتى پايدا بولدى. ءوزىنىڭ قىلمىستىق نيەتىن جۇزەگە اسىرۋ ماقساتىندا ەر ادام بۇرىنعى تانىسىمەن بىرىكتى. قىلمىستىق نيەتىن جۇزەگە اسىرۋ ماقساتىندا ەكەۋى (گونكونگ) مالايزيادا تىركەلگەن «Qnet» حالىقارالىق كومپانياسى ونىمدەرىنىڭ ينتەرنەت-ساۋداسىن پايدالانا وتىرىپ، جاسىرىن ارەكەت ەتتى.
بىرلەسكەن قىزمەتكە قاتىسۋ ءۇشىن، كلۋبتىق ساياحات كارتاسىن ساتىپ الۋ جانە «Qnet» كومپانياسىنىڭ تاۋەلسىز وكىلى رەتىندە تىركەلۋ ءۇشىن 780 مىڭ تەڭگەدەن 1,2 ملن تەڭگەگە دەيىنگى مولشەردە ازاماتتار جارنا جاساۋ كەرەك بولدى. قارجى پيراميداسىنىڭ كەدەرگىسىز جانە ۇزدىكسىز تارالۋى ءۇشىن جانە كوپ قاتىسۋشىلاردى تارتۋ ماقساتىندا سوتتالۋشىلار 2021 جىلى جالعا الۋ ارقىلى كەڭسە اشتى.
قاتىسۋشىلارعا پسيحولوگيالىق اسەر ەتۋ، كەزدەسۋلەر، دارىستەر، وقىتۋ سەمينارلارىن وتكىزۋىمەن كەڭسەدە مۇقيات قۇرىلعان جارناما كومپانياسىن ۇيىمداستىردى. ەكى الاياقتىڭ قارجى پيراميداسىنا قازاقستان رەسپۋبليكاسىنىڭ جالپى 30 ازاماتى قوسىلدى. ولار ۇيىمداستىرۋشىلارعا سەنىم ارتا وتىرىپ، جالپى سوماسى 25 ملن تەڭگە قاراجات سالدى.
سوتتالۋشىلار قىلمىستىق قۇقىق بۇزۋشىلىق جاساعانى ءۇشىن كىنالى دەپ تانىلدى. قر قك-ءنىڭ 217-بابى بويىنشا 6 جىل مەرزىمگە باس بوستاندىعىنان ايىرىلىپ، جازاسىن قاۋىپسىزدىگى تومەن قىلمىستىق-اتقارۋ جۇيەسى مەكەمەلەرىندە وتەيدى.
