Abaı oblysynda «Qnet» qarjypıramıdasyn uıymdastyrýshylar 6 jylǵa bas bostandyǵynan aıyryldy. Bul týraly polıııa qyzmetkerleri málimdedi, dep habarlaıdy “Adyrna” ulttyq portaly.
Málimet boıynsha, 2018 jyly «K» esimdi azamat táýelsiz ókil sertıfıkatyn ala otyryp, «Qnet» halyqaralyq kompanııasynyń saıtyna tirkelgen. 2021 jyly naýryzdyń basynda ónimdi satý jáne taratý daǵdylary bar ol Almaty oblysynyń aýmaǵyndaǵy jelilik marketıng salasynda qalyptasqan jaǵdaıdy zertteı otyryp, jelilik marketıng, halyqtyń ekonomıkalyq saýattylyǵynyń tómendigin paıdalanyp, zańsyz tabys kózin tabý jáne pıramıdany basqarý nıeti paıda boldy. Óziniń qylmystyq nıetin júzege asyrý maqsatynda er adam burynǵy tanysymen birikti. Qylmystyq nıetin júzege asyrý maqsatynda ekeýi (Gonkong) Malaızııada tirkelgen «Qnet» halyqaralyq kompanııasy ónimderiniń ınternet-saýdasyn paıdalana otyryp, jasyryn áreket etti.
Birlesken qyzmetke qatysý úshin, klýbtyq saıahat kartasyn satyp alý jáne «Qnet» kompanııasynyń táýelsiz ókili retinde tirkelý úshin 780 myń teńgeden 1,2 mln teńgege deıingi mólsherde azamattar jarna jasaý kerek boldy. Qarjy pıramıdasynyń kedergisiz jáne úzdiksiz taralýy úshin jáne kóp qatysýshylardy tartý maqsatynda sottalýshylar 2021 jyly jalǵa alý arqyly keńse ashty.
Qatysýshylarǵa psıhologııalyq áser etý, kezdesýler, dárister, oqytý semınarlaryn ótkizýimen keńsede muqııat qurylǵan jarnama kompanııasyn uıymdastyrdy. Eki alaıaqtyń qarjy pıramıdasyna Qazaqstan Respýblıkasynyń jalpy 30 azamaty qosyldy. Olar uıymdastyrýshylarǵa senim arta otyryp, jalpy somasy 25 mln teńge qarajat saldy.
Sottalýshylar qylmystyq quqyq buzýshylyq jasaǵany úshin kináli dep tanyldy. QR QK-niń 217-baby boıynsha 6 jyl merzimge bas bostandyǵynan aıyrylyp, jazasyn qaýipsizdigi tómen qylmystyq-atqarý júıesi mekemelerinde óteıdi.
