ەنەرگەتيكا ءمينيسترى الماسادام ساتقاليەۆ جانارماي قۇيۋ بەكەتتەرىنىڭ بەنزين باعاسىن كوتەرۋگە قۇقىعى بار ەكەنىن ايتتى، دەپ جازادى "ادىرنا".
باسقارما باسشىسى 95-ءشى بەنزيننىڭ تاپشىلىعى بايقالعانىن اتاپ ءوتتى. ونىڭ ايتۋىنشا، بۇعان شىمكەنت مۇناي-حيميا زاۋىتىندا جۇرگىزىلگەن جوندەۋ جۇمىستارى، سونداي-اق اتىراۋ زاۋىتىنىڭ اپاتتى جاعدايدا توقتاپ قالۋى سەبەپ.
"قازىر مۇناي بازالارى مەن زاۋىتتاردا قاجەتتى كولەم جيناقتالىپ، اكىمدىكتەردىڭ وتىنىشتەرىنە سايكەس وتىننىڭ بۇل ءتۇرى جونەلتىلىپ جاتىر. ءيا، تۇتىنۋ كولەمى ۇلعايعان ايماقتاردا ساتسىزدىكتەر بولۋى مۇمكىن. تاپشىلىق ىشكى جەتكىزۋ ەسەبىنەن جابىلادى", - دەدى ساتقاليەۆ شىلدەنىڭ 12-ءسى كۇنى ۇكىمەتتىڭ ءباسپاسوز ءماسليحاتىندا.
ول اي-95 وتىننىڭ رەتتەلمەيتىن ءتۇرى ەكەنىن اتاپ ءوتتى.
"جانارماي قۇيۋشىلار وزدەرى باعانى كوتەرۋگە قۇقىلى. ءبىز ەنەرگەتيكا مينيسترلىگى رەتىندە باعا كورسەتكىشى بويىنشا ۇسىنىستار جاساي الامىز. جانارمايدىڭ بۇل ءتۇرىنىڭ باعاسىنىڭ كۇرت وسۋىنە جول بەرمەۋ ءۇشىن ءونىم يەلەرىمەن جانە جانارماي قۇيۋ ستانتسيالارى بار جەلىلەرمەن، كاسىپورىندارمەن تىعىز بايلانىستا جۇمىس جۇرگىزەمىز" دەدى مينيستر.
