اباي وبلىسىنداعى ورتتەردەن كەيىن توتەنشە جاعدايلار ۆيتسە-ءمينيسترى مارات كولدىكوۆ ءوز ەركىمەن قىزمەتتەن كەتۋگە كەتۋگە ءوتىنىش ءبىلدىردى، دەپ حابارلايدى "ادىرنا" ۇلتتىق پورتالى.
قر توتەنشە جاعدايلار مينيسترلىگىنىڭ ءباسپاسوز قىزمەتى مارات كولدىكوۆ ءوز ەركىمەن قىزمەتتەن كەتۋ تۋرالى بايانات جازعانىن راستادى. حابارلامادا:
"قازىرگى ۋاقىتتا ونى جۇمىستان بوساتۋ جايىن كەلىسۋ ءراسىمى جۇرگىزىلىپ جاتىر", – دەپ جازىلعان.ەستەرىڭىزگە سالا كەتەيىك، توقاەۆ اباي وبلىسىنا ارنايى بارعان ساپارىندا توتەنشە جاعدايلار مينيسترلىگىنىڭ قىزمەتىن "قاۋقارسىز قىزمەتىن" سىنعا الىپ، مارات كولدىكوۆكە تىكەلەي سۇراق قويدى. ونىڭ ءسوزىن ءبولىپ:
«مەن قىزمەتىنەن بوساتقان مينيستر ءوزىنىڭ تىكەلەي قىزمەتتىك مىندەتىن ورىنداۋعا نەگە مۇلدەم نەمقۇرايلى قارايدى؟! 14 ادام قازا تاپتى. ءسىز وسىنى تۇسىنەسىز بە؟ مەن ولاردىڭ وتباسىلارىمەن كەزدەستىم. بۇل ازاماتتار ءوز وتباسىنىڭ پەرزەنتتەرى، وتاعاسى بولاتىن. ءبىر وتباسىندا ەكى جاسار بالا جەتىم قالدى. ادامداردىڭ ارتىندا نەسيەلەرى قالدى. ولار وتباسىنىڭ جالعىز اسىراۋشىسى ەدى. ءورت بۇكىل الەمدە بولادى، بىراق ول جاقتا ءتيىستى شارالار قابىلدانادى. مينيستر كەلمەدى، وبلىس اكىمى تىم باياۋ قوزعالدى، ورىنباسارلارىن جىبەردى. جۇمىسقا دەگەن قانداي قارىم-قاتىناس؟! وسى جونىندە ەسەپ بەرىڭىز! ناقتى سۇراق – نەگە قاتە بولجام جاسالدى؟»، - دەگەن ەدى مەملەكەت باسشىسى.
"ادىرنا" ۇلتتىق پورتالى
ۇقساس جاڭالىقتار
