فۋتبولدان قازاقستان جاسوسپىرىمدەر قۇراماسىنىڭ ويىنشىسى دىنمۇحامەد كاشكەن فرانتسۋزدىق «ليون» كومانداسىندا قارالىمدا ءجۇر. بۇل اقپاراتتى فۋتبولشىنىڭ ءوزى دە راستاعان دەپ حابارلادى وتاندىق sports.kz سايتى.
«ءيا، قازىر «ليون» جاستار كومانداسىنىڭ قارالىمىندا ءجۇرمىن. بۇل جاقتا ءبىر اپتا بولامىن» دەيدى دىنمۇحامەد.
كاشكەن 2017 جىلى «استانانىڭ» قۇرامىندا وتكىزىپ، جاستار كومانداسىنىڭ كاپيتانى بولدى. ول ەلدىڭ جاسوسپىرىمدەر قۇراماسىنا تۇراقتى شاقىرىلىپ تۇردى. فۋتبولشى 2015 جىلى جارتى جىل بويى مادريدتىك «اتلەتيكاونىڭ» ەكىنشى كومانداسىمەن جاتتىعىپ، ءتىپتى كەلىسىمشارت جاساۋ تۋرالى ۇسىنىس تا العان بولاتىن. الايدا، ەۋروپالىق وداقتىڭ زاڭدارى مەن ترانسفەرلىك بانعا بايلانىستى سونداي-اق بيۋروكراتيالىق كىدىرىس سالدارىنان كلۋبتىڭ قۇرامىندا قالا المادى.
كەيىنىرەك «كاسابلانكا» كلۋبىنىڭ نامىسىن قورعادى. قازاقستانعا كەلگەننەن كەيىن «استانا» جانە «جەتىسۋ» كلۋبتارىنىڭ جاستار كومانداسىنا دوپ تەپتى.
