Fýtboldan Qazaqstan jasóspirimder quramasynyń oıynshysy Dinmuhamed Káshken franýzdyq «Lıon» komandasynda qaralymda júr. Bul aqparatty fýtbolshynyń ózi de rastaǵan dep habarlady otandyq sports.kz saıty.
«Iá, qazir «Lıon» jastar komandasynyń qaralymynda júrmin. Bul jaqta bir apta bolamyn» deıdi Dinmuhamed.
Kashken 2017 jyly «Astananyń» quramynda ótkizip, jastar komandasynyń kapıtany boldy. Ol eldiń jasóspirimder quramasyna turaqty shaqyrylyp turdy. Fýtbolshy 2015 jyly jarty jyl boıy madrıdtik «Atletıkaonyń» ekinshi komandasymen jattyǵyp, tipti kelisimshart jasaý týraly usynys ta alǵan bolatyn. Alaıda, Eýropalyq odaqtyń zańdary men transferlik banǵa baılanysty sondaı-aq bıýrokratııalyq kidiris saldarynan klýbtyń quramynda qala almady.
Keıinirek «Kasablanka» klýbynyń namysyn qorǵady. Qazaqstanǵa kelgennen keıin «Astana» jáne «Jetisý» klýbtarynyń jastar komandasyna dop tepti.
