تۇركىستان وبلىسى قازىعۇرت اۋدانىندا ەر ادامنىڭ قۇستارعا اتقان وعى جاسوسپىرىمگە ءتيدى. بۇل تۋرالى Polisia.kz مالىمدەدى، دەپ حابارلايدى.
قايعىلى وقيعا 8 شىلدەدە كۇنى كەشكە قازىعۇرت اۋدانىنداعى جشس-ءنىڭ ءبىرىنىڭ ەگىس القابىندا بولعان.
سەرىكتەستىكتىڭ ءجۇزىم باعىندا قۇستاردى اتۋ ءۇشىن جالدانعان ەر ادامنىڭ اتقان وعى بايقاۋسىزدا ءجاسوسپىرىمنىڭ باسىنا تيگەن. بۇل فاكتى بويىنشا قر قك-ءنىڭ 104-بابى 1-بولىگى "ابايسىزدا قازاعا ۇشىراتۋ" بويىنشا سوتقا دەيىنگى تەرگەۋ امالدارى جۇرگىزىلىپ جاتىر, - دەيدى ۆەدومستۆو.
وقيعا ورنىنا قازىعۇرت اۋداندىق پوليتسيا ءبولىمىنىڭ باسشىلىعى، اۋدان پروكۋرورى مەن جەدەل-تەرگەۋ توبى بىردەن كەلگەن.
كۇدىكتىدەن 12 كاليبرلى اڭشى مىلتىعى الىندى. ساراپتاما جاسالىپ جاتىر. ول سارىاعاش اۋدانىنىڭ تۇرعىنى پوليتسيا بولىمىنە جەتكىزىلدى. بارلىق ءمان-جايلار انىقتالىپ جاتىر، - دەيدى پوليتسيا.
