Түркістан облысы Қазығұрт ауданында ер адамның құстарға атқан оғы жасөспірімге тиді. Бұл туралы Polisia.kz мәлімдеді, деп хабарлайды.
Қайғылы оқиға 8 шілдеде күні кешке Қазығұрт ауданындағы ЖШС-нің бірінің егіс алқабында болған.
Серіктестіктің жүзім бағында құстарды ату үшін жалданған ер адамның атқан оғы байқаусызда жасөспірімнің басына тиген. Бұл факті бойынша ҚР ҚК-нің 104-бабы 1-бөлігі "Абайсызда қазаға ұшырату" бойынша сотқа дейінгі тергеу амалдары жүргізіліп жатыр, - дейді ведомство.
Оқиға орнына Қазығұрт аудандық полиция бөлімінің басшылығы, аудан прокуроры мен жедел-тергеу тобы бірден келген.
Күдіктіден 12 калибрлі аңшы мылтығы алынды. Сараптама жасалып жатыр. Ол Сарыағаш ауданының тұрғыны полиция бөліміне жеткізілді. Барлық мән-жайлар анықталып жатыр, - дейді полиция.
