كورەيادان ارنايى كەلگەن قوناقتار دا ونەر كورسەتتى.
جۇرتشىلىقتىڭ كوڭىلىن جاۋلاۋعا ۇمتىلعان جاس تالانتتار Beu fest فەستيۆالىندە بيىل دا باس قوستى. 6500 كورەرمەندى جيناعان كەش – الماتى جاستارى ءۇشىن ماڭىزدى مۋزىكالىق فەستيۆال. وندا جاس انشىلەرمەن بىرگە، ءوز ورنىن تاۋىپ ۇلگەرگەن دارىندار دا ونەر كورسەتتى. سونداي-اق كورەيادان ارنايى كەلگەن قوناقتار دا كورەرمەن كوڭىلىن كوتەردى.– بىرنەشە كۇننىڭ ىشىندە بيلەت تەز تاراپ كەتتى. بيىلعى فەستيۆالدىڭ ەرەكشەلىگى ساحناعا جاڭا جۇلدىزداردى شىعارىپ جاتىرمىز. ۇلكەن ساحنانى ارمانداپ، وسىنداي ءىس-شاراعا قاتىسا الماي جۇرگەن جاستاردىڭ 1 ساعاتتىق بلوگى بولادى، – دەدى فەستيۆالدىڭ باس پروديۋسەرى جاننۇر ايداربەكوۆا.ۇيىمداستىرۋشىلاردىڭ ايتۋىنشا، Beu fest جاس دارىنداردىڭ كاسىبي دامۋىنا ۇلەس قوسادى. بىلتىر باستاۋ العان فەستيۆال كوپشىلىكتىڭ كوزايىمىنا اينالىپ ۇلگەرگەن. وسى ساحنادا ونەر كورسەتۋدى ماقسات ەتكەن جاستار دا از ەمەس.
– اyafunk ءبىر-ەكى جىل دايىندالدى. تولقىپ تۇرمىز. بىراق بالالار سەنىمدى، – دەدى Ayafunk توبى.
