Koreıadan arnaıy kelgen qonaqtar da óner kórsetti.
Jurtshylyqtyń kóńilin jaýlaýǵa umtylǵan jas talanttar Beu fest festıvalinde bıyl da bas qosty. 6500 kórermendi jınaǵan kesh – Almaty jastary úshin mańyzdy mýzykalyq festıval.
Onda jas ánshilermen birge, óz ornyn taýyp úlgergen daryndar da óner kórsetti. Sondaı-aq Koreıadan arnaıy kelgen qonaqtar da kórermen kóńilin kóterdi.
– Birneshe kúnniń ishinde bılet tez tarap ketti. Bıylǵy festıvaldiń ereksheligi sahnaǵa jańa juldyzdardy shyǵaryp jatyrmyz. Úlken sahnany armandap, osyndaı is-sharaǵa qatysa almaı júrgen jastardyń 1 saǵattyq blogy bolady, – dedi festıvaldiń bas prodıýseri Jannur Aıdarbekova.
Uıymdastyrýshylardyń aıtýynsha, Beu fest jas daryndardyń kásibı damýyna úles qosady. Byltyr bastaý alǵan festıval kópshiliktiń kózaıymyna aınalyp úlgergen. Osy sahnada óner kórsetýdi maqsat etken jastar da az emes.
– Ayafunk bir-eki jyl daıyndaldy. Tolqyp turmyz. Biraq balalar senimdi, – dedi Ayafunk toby.
