اقش مەمحاتشىسى ە.بلينكەن "سىرتقى قاتىناستار كەڭەسىنە" قوناق بولىپ كەلىپ، ءتۇرلى وزەكتى سۇراقتارعا جاۋاپ بەردى.
بىزدە وسىنداي كەزدەسۋلەر بولسا عوي:
- ەموتسيا ەمەس، اقىلعا نەگىزدەلگەن بىلىكتى اۋديتوريا
- ناقتى دا ءدال سۇراق، ءدال سونداي ناقتى دا ءدال جاۋاپ الۋعا مۇمكىندىك بەرەتىندەي...
توقەتەرى:
1. اقش پەن قىتاي اراسىنداعى باسەكە كۇن ساناپ، ارتىپ كەلەدى.
2. اقش فيرمالارى قحر - دەن كەتپەگەن. اقش - تان قۇيىلاتىن ينۆەستيتسيا كولەمى 2014 جىلدان بەرى ەڭ جوعارعى كورسەتكىشكە جەتكەن.
3. دەگەنمەن، "سەزىمتال" سەكتورلار دا بار.
مىسالى، اسكەري تەحنولوگيا جاعىنان شەكتەۋلەر قويىلۋدا (يادرولىق قارۋ جانە زىمىران تەح - ى). كەيبىر تەحنولوگيا "ازاماتتاردى باقىلاۋ -اڭدۋ" ماقساتىندا قولدانىلۋى مۇمكىن، ياعني سەزىمتال..
4. مەم.دەپارتامەنت پەن سىرتقى ساياساتتا ءداستۇرلى باعىت/اسپاپتار قولدانىلادى. بىراق، جاڭا ماقساتتار ءۇشىن جاڭا امالدار ويلاستىرىلۋدا.
اتاپ ايتقاندا: AI (جاساندى ينتەللەكت), "ازىق - تۇلىك قاۋىپسىزدىگى", تاعىسىن تاعى. بۇل باعىتتاردا، پاندەميا ماسەلەسى دە بار، جاڭا كواليتسيالار قۇرىلۋدا. باتىس ەلدەرى، افريكا، تاعى باسقالار..
ماسەلە: ءبىزدىڭ ەل عوي...
بۇل كەزدەسۋدە اتى اتالمادى.
دەگەنمەن، ءوز ويىمدى وسىعان بايلانىستىرىپ ايتىپ وتسەم:
ا. "قازاق ديپلوماتياسى" ىشكى ساياساتقا بايلانىستى. اقش - تا: دەموكراتيا + ءبىلىم - عىلىم - تەحنولوگياعا نەگىزدەلگەن ەكونوميكا ەلگە الەم كوشباسى ءرولىن اتقارۋعا مۇمكىندىك بەرۋدە.
ءبىزدىڭ نەگىز نە/نەلەر؟
قانداي قۇندىلىقتار؟
ءبىز قايدا، قانداي ماقساتتارعا ۇمتىلامىز؟
وسى جاعى تۇسىنىكسىزدەۋ.
ەشكىم وسىلاي شىعىپ، اشىق ايتىپ - تۇسىندىرمەيدى.
بىتپەيتىن، جاتقان ءبىر قۇپيا..
الاڭداتاتىن سۇراق: وسى قۇپيانىڭ ارعى جاعىندا دەنى دۇرىس دۇنيە بار ما، الدە جوق پا؟
ءا. سولتۇستىك كورشىگە ءبىراز شەكتەۋلەر قويىلدى. سانكتسيا دەيمىز. باتىستىڭ قىتايمەن باسەكەسى ارتا تۇسۋدە. ۋكرايناداعى سوعىس وسىنى ءبىراز قوزدىردى.
ەندى ءبىز نە ىستەۋىمىز كەرەك؟
نە، ساياسات قانداي ماقساتتا ىسكە اسىپ جاتىر؟
وسى ماسەلەلەردىڭ باسىن اشىپ، حالىققا ءتۇسىندىرىپ جاتىرعان ادامدار كورىنبەيدى.
ب. ءبىزدىڭ بارا جاتىرعان باعىت، مەكەن - جايىمىز قانداي؟
الدە جەڭىل، قاۋقارسىز "قاڭباق شالمىز" با؟
"ناقتى دا ءدال" ەتىپ كىم تۇسىندىرە الادى؟
قازاق بالاسىنا، قازاق تىلىندە.
وسى جاعى بىزدە وتە ناشار.
ەل قازاقستان دەپ اتالعانىمەن)), ءسوزى/تىلى قۇرعىرىڭ قازاقشا ەمەس...
ءوز باسىم وسىعان الاڭدايمىن.
كرەمل بارلىعىن قۇپيا ۇستاعانىمەن "ۆاگنەر" روستوۆ پەن باسقا دا قالالاردى الىپ، ماسكەۋگە شاپقاندا مىقتىلاردىڭ "ارتى بوس", قۋىس بولدى ەمەس پە؟
بيلىكتەرى تۇتىعىپ، مەملەكەتتەرى قۇلاپ قالا جازدادى ەمەس پە؟
وسىندايدى بولدىرماۋ ءۇشىن حالىقپەن سۇحباتتاسىپ، وزەكتى دۇنيەنى تۇسىندىرسە ەكەن..
سوندا عانا ءبىز دامي باستايمىز.
قۇپيا/جاسىرۋدىڭ ارعى جاعىندا تۇك تە جوق، و جاق بوس، قۋىس بولاتىنىن پريگوجين كورسەتىپ بەردى.
سوندايدان قۇداي ساقتاسىن.
