ساراپشىلار ءبىر ايدىڭ وزىندە ءرۋبلدىڭ دوللارعا شاققانداعى قۇنى تاعى 10 پايىزعا تومەندەگەنىن ايتادى. وتكەن جىلى جاز ايلارىندا ءبىر دوللار 60 ءرۋبلدىڭ اينالاسىندا بولسا، قازىر 90 رۋبلدەن اسقان. اقشا اناليتيكتەرى ءبىر جىلدان سوڭ 150 رۋبلگە دەيىن جەتەتىنىن ايتادى.
دەۆالۆاتسيانىڭ بۇلاي ءوسىپ، رەسەي ەكونوميكاسىنىڭ تىنىسىن تارىلتۋىنا، ۇلتتىق ۆاليۋتانىڭ قۇلدىراۋىنا اسەر ەتىپ وتىرعان باستى فاكتور رەتىندە سانكتسيا زارداپتارى كورسەتىلەدى.
قازىر رەسەي سالىنعان سانكتسيالار سانى مەن اۋقىمى بويىنشا الەمدە ءبىرىنشى ورىنعا شىققان. بۇل كۇنكورىستىڭ تومەندەپ، كەدەيلەردىڭ ارتۋىنا سەبەپ بولعان. ەڭبەك، الەۋمەتتىك ساياسات جانە ارداگەرلەر كوميتەتىنىڭ مۇشەسى سۆەتلانا بەسساراب بۇعان قاتىستى بىلاي دەيدى:
- 2024 جىلدىڭ 1 قاڭتارىنان باستاپ ەڭ تومەنگى جالاقىنىڭ سانىن 18,5 پايىزعا ارتتىرۋ جوسپارلانىپ وتىر. بۇل ازاماتتاردىڭ ساتىپ الۋ قابىلەتىن ارتتىرۋعا جانە كەدەيلىكپەن كۇرەسكە باعىتتالعان. ويتكەنى بۇگىنگى كۇنى 15 ملن-عا جۋىق رەسەيلىك كەدەيشىلىك دەڭگەيىندە ءومىر سۇرۋدە.
"ادىرنا" ۇلتتىق پورتالى
