امەريكانىڭ اتاقتى بوكسشىلارىنىڭ ءبىرى كەۆين دجونسون رەسەي پرەزيدەنتى ۆلاديمير ءپۋتيننىڭ قۇرمەتىنە ءوز تەگىن وزگەرتتى. ول اتاسىنىڭ ەسىمىن رەسەي باسشىسىنىڭ ەسىمىمەن الماستىردى، دەپ حابارلايدى "ادىرنا" ۇلتتىق پورتالى.
"يزۆەستيا" باسىلىمى بوكسشى كەۆيننىڭ ەندى كەۆين ۆلاديميروۆيچ اتانعانىن ءمالىم ەتتى. سپورتشىنىڭ ءوزى پۋتينگە شەكسىز قادىرلەپ، ەرەكشە قۇرمەت كورسەتەتىنىن جاسىرمادى.
ورايى كەلگەندە ايتا كەتەيىك، ءساۋىر ايىندا دجونسون رەسەيدە تۇرعىسى كەلەتىنىن مالىمدەگەن ەدى. ول رەسەي فەدەراتسياسى پرەزيدەنتىنەن "رەسەيلىك تولقۇجات" بەرۋدى ءوتىنىپ سۇراعان.
ازىرگە "ۆلاديمير-ۇلى" اتانىپ، توسىن مالىمدەمە جاساعان بوكسشىنىڭ "شىنايى پيعىلى" جۇمباق كۇيىندە قالىپ وتىر.
"پرەزيدەنت ۆلاديمير پۋتينگە قوشەمەت ءبىلدىرۋ ءۇشىن تەگىمدى وزگەرتۋگە شەشىم قابىلدادىم. ەندى مەنى جۇرت ۆلاديمير ءپۋتيننىڭ اتىمەن كەۆين ۆلاديميروۆيچ دەپ اتايدى. قازىر مەن 100%، شىنتۋايتىندا، قالجىڭىم ەمەس، 100% - ورىسپىن", - دەدى كەۆين دجونسون.سپورتشى مۇنداي بەتبۇرىستى پايدالاپىپ، بازىناسىن دا ايتىپ ۇلگەردى. ول شىلدە ايىنىڭ سوڭىنان باستاپ رەسەيدە تۇرۋدى ارماندايتىنىن حابارلادى. سپورتشى بۇل ەلگە بىرنەشە رەت بارعان، سول ساپارلارىندا كوپتەگەن قالاسى مەن اۋىلدارىن ارالاعان. ءوزىنىڭ حابارلاۋىنشا، ساپار بارىسىندا "رەسەيدىڭ كەڭ جازيرا دالاسىن جاقسى كورەتىنىن" تۇسىنگەن. دجونسوننىڭ ايتۋىنشا، رەسەيدە گمو قوسىلماعان ساپالى تاماق بار، بۇل سپورتشى ءۇشىن اسا ماڭىزدى.
"ادىرنا" ۇلتتىق پورتالى
ۇقساس جاڭالىقتار
