قوستاناي وبلىسىنىڭ ناۋرىزىم اۋدانىنداعى ەگىستىك القاپتارىن شەگىرتكەلەر باسىپ الدى. جاندىكتەر ەگىندىكتەرگە وراسان زيان اكەلۋدە. جەلىدە بۇل تۋرالى ۆيدەو تارادى، دەپ حابارلايدى “ادىرنا” ۇلتتىق پورتالى.
بيىل بىزدە ەگىن جيناۋ قيىن. سەبەپتەردىڭ ءبىرىنشىسى – 10 مىڭ گەكتارعا جۋىق جەردى تاپتاپ كەتكەن ەلىكتەردىڭ پروبلەماسى. ال قازىر شەگىرتكە. بيىل 10500 گەكتار جەردى الىپ تاستادىق، قالعانىن شەگىرتكە جەپ قويدى.
بۇل ماسەلەدە بىزگە ەشكىم كومەكتەسپەيدى، ءارتۇرلى ورگاندارعا جۇگىندىك. كەشە ءبىر بولىمشە كەلدى، ونىڭ وزىندە قاجەتتى حيميالىق زاتتارى جوق، ۇشاقتا جانارماي جوق. ەلىكتەن قورعانىپ، ءشوپ شابا المادىق، ەندى ونى شەگىرتكە جەدى. قىستا مالعا نە بەرەتىنىمىزدى بىلمەيمىز. شارۋاشىلىعىمىزدا 200 باس مال بار، ونى نە ىستەۋىمىز كەرەك؟بۇل ماسەلەنى قايدا شەشۋگە بولاتىنىن بىلمەيمىن", - دەدى شارۋا قوجالىعىنىڭ باسشىسى.
الەۋمەتتىك جەلىلەردە تۇرعىندار ەگىستىكتەن تۇسىرىلگەن كادرلاردى جاريالاۋدا. حالىق قوعام مەن جەرگىلىكتى بيلىكتەن جاۋاپ كۇتەدى.
كولىك جۇرگىزۋ مۇمكىن ەمەس! بۇل سۇمدىق، ءتىپتى اۋدارىلىپ كەتۋىڭ مۇمكىن، - دەيدى كادرداعى ەر ادامدار.
