Qostanaı oblysynyń Naýryzym aýdanyndaǵy egistik alqaptaryn shegirtkeler basyp aldy. Jándikter egindikterge orasan zııan ákelýde. Jelide bul týraly vıdeo tarady, dep habarlaıdy “Adyrna” ulttyq portaly.
Bıyl bizde egin jınaý qıyn. Sebepterdiń birinshisi – 10 myń gektarǵa jýyq jerdi taptap ketken elikterdiń problemasy. Al qazir shegirtke. Bıyl 10500 gektar jerdi alyp tastadyq, qalǵanyn shegirtke jep qoıdy.
Bul máselede bizge eshkim kómektespeıdi, ártúrli organdarǵa júgindik. Keshe bir bólimshe keldi, onyń ózinde qajetti hımııalyq zattary joq, ushaqta janarmaı joq. Elikten qorǵanyp, shóp shaba almadyq, endi ony shegirtke jedi. Qysta malǵa ne beretinimizdi bilmeımiz. Sharýashylyǵymyzda 200 bas mal bar, ony ne isteýimiz kerek?Bul máseleni qaıda sheshýge bolatynyn bilmeımin", - dedi sharýa qojalyǵynyń basshysy.
Áleýmettik jelilerde turǵyndar egistikten túsirilgen kadrlardy jarııalaýda. Halyq qoǵam men jergilikti bılikten jaýap kútedi.
Kólik júrgizý múmkin emes! Bul sumdyq, tipti aýdarylyp ketýiń múmkin, - deıdi kadrdaǵy er adamdar.
