باس قالانىڭ 25 جىلدىعىنا وراي كوللەكتسيالىق مونەتالار شىعارىلدى، دەپ حابارلايدى “ادىرنا” ۇلتتىق بانكتىڭ ءباسپاسوز قىزمەتىنە سىلتەمە جاساپ.
بۇگىن، 2023 جىلدىڭ 1 شىلدەسىندە قازاقستان ۇلتتىق بانكى باس قالانىڭ مەرەيتويىنا وراي استانا كوللەكتسيالىق مونەتالارىن اينالىسقا شىعارادى.
استانا مونەتالارى 25 مەلحيور قورىتپاسىنان جاسالعان. سالماعى 15 گرامم، ديامەترى 33 مم قۇرايتىن تەڭگەلەردىڭ نومينالى 100 تەڭگە. ال تارالىمى 20 000 دانانى قۇرايدى.
كوللەكتسيالىق مونەتالار تولەمنىڭ بارلىق تۇرىنە جارامدى. رەسپۋبليكانىڭ بارلىق اۋماعىندا نومينالدى قۇنى بويىنشا قابىلدانادى ءارى بانكتىك شوتتارعا ەسەپتەۋگە جانە ەلىمىزدىڭ بارلىق بانكتەرىندە اۋدارۋعا، ايىرباستاۋعا جارامدى.
مونەتالاردى اعىمداعى جىلدىڭ 3 شىلدەسىنەن باستاپ قازاقستان ۇلتتىق بانكىنىڭ ينتەرنەت-دۇكەنى ارقىلى ساتىپ الۋعا بولادى.
