ەرنات ءبازىل 1978 جىلى دۇنيەگە كەلگەن. قازاق مەملەكەتتىك ساۋلەت-قۇرىلىس اكادەمياسىن، م.ح. دۋلاتي اتىنداعى تاراز مەملەكەتتىك ۋنيۆەرسيتەتىن بىتىرگەن. "ينجەنەر-قۇرىلىسشى", "قارجى" ماماندىقتارى بويىنشا.
ەڭبەك جولىن الماتى قالاسىنداعى "بازيس-ا" كورپوراتسياسى" جشس-دا ۋچاسكە بريگاديرى بولىپ باستاپ، كەيىن بريگادير، ۋچاسكە باستىعى قىزمەتتەرىن اتقاردى.
وسى جىلدارى قۇرىلىس باسقارماسىنىڭ جەتەكشى، باس مامانى، ءبولىم باستىعى، باس مامان، ءبولىم باستىعى، ەنەرگەتيكا جانە كوممۋنالدىق شارۋاشىلىق باسقارماسى باسشىسىنىڭ ورىنباسارى، الماتى قالاسى جەتىسۋ اۋدانى اكىمىنىڭ ورىنباسارى، نۇر-سۇلتان قالاسى وتىن-ەنەرگەتيكا كەشەنى جانە كوممۋنالدىق شارۋاشىلىق باسقارماسىنىڭ باسشىسى، الماتى قالاسى جەتىسۋ اۋدانى اكىمىنىڭ ورىنباسارى، جەتىسۋ وبلىسىنىڭ ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىن باسقاردى.
2023 جىلدىڭ اقپان ايىنان باستاپ جەتىسۋ وبلىسى اكىمىنىڭ ورىنباسارى قىزمەتىن اتقاردى.
تالدىقورعان قالاسىنىڭ ەكس-اكىمى اسەت ماساباەۆ اكىم قىزمەتىنەن ءوز ەركىمەن كەتكەن ەدى.
ورايى كەلگەندە ايتا كەتەيىك، سوڭعى كەزدەرى تالدىقورعان قالالىق ءبىلىم، دەنساۋلىق ساقتاۋ سالاسىندا بىرقاتار جەمقورلىق دەرەگى تىركەلدى. جەتىسۋ وبلىسىنىڭ اكىمى بەيبىت يساباەۆ تالدىقورعان قالالىق ءبىلىم بەرۋ سالاسىنداعى جەمقورلىق قىلمىستارى 4-5 جىل بۇرىن باستالعانىن مالىمدەيدى. ءبىلىم ءبولىمى قىزمەتكەرلەرىنىڭ بيۋدجەت قاراجاتىنان جۇيەلى تۇردە 2 ميلليارد تەڭگە ۇرلاعانى ايتىلادى. سونداي-اق تالدىقورعان قالاسى ءبىلىم ءبولىمىنىڭ باسشىسى بيۋدجەت قاراجاتىن ۇرلاۋ فاكتىلەرىن جاسىرعانى ءۇشىن قاراماعىنداعىلاردان 280 ملن تەڭگە پارا الدى دەگەن كۇدىككە ىلىنگەن ەدى.
"ادىرنا" ۇلتتىق پورتالى
