ەلىمىزدەگى مۇمكىندىگى شەكتەۋلى جانداردىڭ قۇقىعى بۇۇ دەڭگەيىندە قورعالماق

1764
Adyrna.kz Telegram
https://adyrna.kz/content/uploads/2023/06/1f2c1620-f0af-4297-a419-78b98580eb80-960x500.jpeg?token=ed86166ffedf0296ebee21973e02d3db

بۇگىنگى تاڭدا ەلىمىزدە 700 مىڭنان استام مۇمكىندىگى شەكتەۋلى ادام بار. ونىڭ 100 مىڭعا جۋىعى كامەلەتكە تولماعاندار. بۇل جالپى حالىقتىڭ 3,7 پايىزىن قۇرايدى. باسىم بولىگى تۇركىستان جانە الماتى وبلىستارىندا تۇرادى.

اعىمداعى جىلدىڭ 5 ماۋسىمىندا مەملەكەت باسشىسى قاسىم-جومارت توقاەۆ كوپشىلىك كۇتكەن «مۇگەدەكتەردىڭ قۇقىقتارى تۋرالى كونۆەنتسياعا فاكۋلتاتيۆتىك حاتتامانى راتيفيكاتسيالاۋ تۋرالى» قر زاڭىنا قول قويدى. بۇعان دەيىن ەلىمىز «مۇگەدەكتەردىڭ قۇقىقتارى تۋرالى» كونۆەنتسياعا قوسىلعان.الايدا، ىلەسپە حاتتامانى راتيفيكاتسيالاماعان بولاتىن. ال ول ماقۇلدانباسا، ەلىمىزدەگى مۇمكىندىگى شەكتەۋلى جانداردىڭ تالاپ ارىزىن بىرىككەن ۇلتتار ۇيىمى قارامايدى.

سايكەسىنشە، زاڭ جوباسى بۇۇ قابىلداعان 2006 جىلعى «مۇگەدەكتەردىڭ قۇقىقتارى تۋرالى» كونۆەنتسياعا ساي ازىرلەنگەن.

جوبا مۇمكىندىگى شەكتەۋلى جاندارعا قاتىسى بار زاڭنامالىق كەمسىتۋشىلىكتەردى جويۋدى، قۇقىقتىق جانە الەۋمەتتىك قورعاۋدى، ءومىر ءسۇرۋ ساپاسىن جاقسارتۋدى، بوستاندىقتارىنا كەپىل بولۋدى كوزدەيدى.

ەندى قۇجات بۇۇ-نىڭ «مۇمكىندىگى شەكتەۋلى جانداردىڭ قۇقىقتارى» جونىندەگى ارنايى كوميتەتكە جولدانادى. كوميتەت كەڭەس قۇرىپ، جوبانى تالقىلايدى. سودان سوڭ عانا وتىنىشتەردى قابىلداۋعا شەشىم شىعارادى. ەگەر جوبا ماقۇلدانىپ جاتسا، قۇقىعىم تاپتالدى دەگەن كەز كەلگەن مۇمكىندىگى شەكتەۋلى ازامات ەشقانداي تيىمسىز بىرىككەن ۇلتتار ۇيىمىنا ءوزىنىڭ تالاپ ارىزىن جولداي الادى.

پىكىرلەر