Bügıngı taŋda elımızde 700 myŋnan astam mümkındıgı şekteulı adam bar. Onyŋ 100 myŋǧa juyǧy kämeletke tolmaǧandar. Būl jalpy halyqtyŋ 3,7 paiyzyn qūraidy. Basym bölıgı Türkıstan jäne Almaty oblystarynda tūrady.
Aǧymdaǧy jyldyŋ 5 mausymynda Memleket Basşysy Qasym-Jomart Toqaev köpşılık kütken «Mügedekterdıŋ qūqyqtary turaly konvensiiaǧa fakultativtık hattamany ratifikasiialau turaly» QR Zaŋyna qol qoidy. Būǧan deiın elımız «Mügedekterdıŋ qūqyqtary turaly» konvensiiaǧa qosylǧan.Alaida, ılespe hattamany ratifikasiialamaǧan bolatyn. Al ol maqūldanbasa, elımızdegı mümkındıgı şekteulı jandardyŋ talap aryzyn Bırıkken Ūlttar Ūiymy qaramaidy.
Säikesınşe, zaŋ jobasy BŪŪ qabyldaǧan 2006 jylǧy «Mügedekterdıŋ qūqyqtary turaly» konvensiiaǧa sai äzırlengen.
Joba mümkındıgı şekteulı jandarǧa qatysy bar zaŋnamalyq kemsıtuşılıkterdı joiudy, qūqyqtyq jäne äleumettık qorǧaudy, ömır süru sapasyn jaqsartudy, bostandyqtaryna kepıl boludy közdeidı.
Endı qūjat BŪŪ-nyŋ «Mümkındıgı şekteulı jandardyŋ qūqyqtary» jönındegı arnaiy komitetke joldanady. Komitet keŋes qūryp, jobany talqylaidy. Sodan soŋ ǧana ötınışterdı qabyldauǧa şeşım şyǧarady. Eger joba maqūldanyp jatsa, qūqyǧym taptaldy degen kez kelgen mümkındıgı şekteulı azamat eşqandai tiymsyz Bırıkken Ūlttar Ūiymyna özınıŋ talap aryzyn joldai alady.
