ماۋسىمنىڭ ءتورتى – مەملەكەتتىك رامىزدەر كۇنىنە وراي الماتىدا «باتىر» پرەزيدەنتتىك پولكىنىڭ تۋ كوتەرۋ توبىنىڭ سالتاناتتى ءراسىمى جانە گيمندى جاپپاي ورىنداۋ ءوتتى.
پاتريوتتىق ءىس-شارا «مەدەۋ» بيىك تاۋلى سپورت كەشەنىندە ءوتتى. سالتاناتتى شاراعا الماتى اكىمى ەربولات دوساەۆ، ءماسليحات دەپۋتاتتارى، جۇرتشىلىق پەن جاستار ۇيىمدارىنىڭ وكىلى قاتىستى. ءىس-شاراعا بارلىعى مىڭنان استام ادام قاتىستى.
مەرەكەلىك ءانۇران ءبىر ۋاقىتتا قالانىڭ بارلىق اۋدانىندا ساعات 11:00-دە ورىندالدى. الماتى تۇرعىندارى ساياباقتاردا، سكۆەرلەردە، مەكتەپتەردە جانە باسقا دا قوعامدىق ورىندا ەلدىڭ ءانۇرانىن ورىندادى.
مەملەكەتتىك رامىزدەر كۇنىن مەرەكەلەۋ جالاۋلارمەن ۆەلوجارىسپەن جالعاستى. جارىسقا 500-دەن استام الماتىلىق قاتىستى. ۆەلوجارىس شەۆچەنكو كوشەسىمەن ءوتتى: م.گاندي ساياباعىنان قوناەۆ كوشەسىنە دەيىن. قاشىقتىق مارەسىندە قاتىسۋشىلار قازاقستاننىڭ ءانۇرانىن ورىندادى.
مەرەكەلىك ءىس-شارالاردىڭ سوڭى اشىق اسپان استىنداعى كونتسەرتكە ۇلاسادى. اباي الاڭىندا قالا تۇرعىندارى ءۇشىن وتاندىق ەسترادا جۇلدىزدارى: مارحابا ءسابي، قازبەك قۇرايىش، نۇرجان كەرمەنباەۆ، ديلناز احماديەۆا، جۇبانىش جەكسەنۇلى، «ماde in KZ» جانە «اراي tribute» توپتارى جانە ت.ب. ونەر كورسەتەدى. كونتسەرت قۇرمانعازى اتىنداعى كونسەرۆاتوريا ستۋدەنتتەرى مەن جامبىل اتىنداعى مەملەكەتتىك حوردىڭ جاستار قۇرامىنىڭ ءانۇراندى ورىنداۋىمەن اياقتالادى.
