بۇل مەكتەپتە 5 جاستان 17 جاسقا دەيىنگى 200-گە جۋىق بالا ءبىلىم الادى.
حالىقارالىق بالالاردى قورعاۋ كۇنىن الماتى قالاسىنىڭ شىعارماشىل جاستارى دا ەرەكشە اتاپ ءوتتى. مەرەكەگە وراي «ۇماي» كوركەمونەر مەكتەبىنىڭ تالىمگەرلەرى الماتى مۋزەيىندە قالىڭ كوپشىلىككە ءوزى سالعان 150-دەن استام سۋرەت پەن كەسكىندەمەنى ۇسىندى.
«جاز جايناتىپ، كۇن كۇلدىرىپ» دەپ اتالعان كورمەگە وقۋ ورداسىنىڭ مۇعالىمدەرى مەن شاھار حالقى قاتىسىپ، ەڭ ۇزدىك تۋىندى يەلەرىن ماراپاتتادى.
ايتا كەتەيىك، قازىر بۇل مەكتەپتە 5 جاستان 17 جاسقا دەيىنگى 200-گە جۋىق بالا ءبىلىم الادى.
«تالىمگەرلەرىمىز بۇل جۇمىستى ءبىر جىلدىڭ كولەمىندە جاسادى. نەگىزى كورمەنى جەلتوقسان، مامىر، تامىز ايلارىندا وتكىزەمىز. ال بۇل جولى ارنايى وسى مەرەكەگە دايىندالدىق. ويتكەنى بيىلعى مەيرام ەرەكشە. سوڭعى قوڭىراۋ مەن بالالاردى قورعاۋ كۇنى تۇسپا-تۇس كەلىپ تۇر. وقۋشىلارىمىز ناتيۋرمورت، گرافيكا، كەسكىندەمە جانرىندا ءتۇرلى تاقىرىپتا سۋرەت سالىپ، قالا تۇرعىندارىنا ەرەكشە كوڭىل كۇي سىيلادى»، – دەدى «ۇماي» بالالار كوركەمونەر مەكتەبىنىڭ ديرەكتورى ەلەنا پوپوۆا.
