Bul mektepte 5 jastan 17 jasqa deıingi 200-ge jýyq bala bilim alady.
Halyqaralyq balalardy qorǵaý kúnin Almaty qalasynyń shyǵarmashyl jastary da erekshe atap ótti. Merekege oraı «Umaı» kórkemóner mektebiniń tálimgerleri Almaty mýzeıinde qalyń kópshilikke ózi salǵan 150-den astam sýret pen keskindemeni usyndy.
«Jaz jaınatyp, kún kúldirip» dep atalǵan kórmege oqý ordasynyń muǵalimderi men shahar halqy qatysyp, eń úzdik týyndy ıelerin marapattady.
Aıta keteıik, qazir bul mektepte 5 jastan 17 jasqa deıingi 200-ge jýyq bala bilim alady.
«Tálimgerlerimiz bul jumysty bir jyldyń kóleminde jasady. Negizi kórmeni jeltoqsan, mamyr, tamyz aılarynda ótkizemiz. Al bul joly arnaıy osy merekege daıyndaldyq. Óıtkeni bıylǵy meıram erekshe. Sońǵy qońyraý men Balalardy qorǵaý kúni tuspa-tus kelip tur. Oqýshylarymyz natıýrmort, grafıka, keskindeme janrynda túrli taqyrypta sýret salyp, qala turǵyndaryna erekshe kóńil kúı syılady», – dedi «Umaı» balalar kórkemóner mektebiniń dırektory Elena Popova.
