ەلوردا اكىمى باقىت سۇلتانوۆ كوشەلەردىڭ تازالىعى، قوقىس شىعارۋ جانە جولداردىڭ جاعدايى ءۇشىن جاۋاپتىلاردىڭ جۇمىسىن سىنعا الدى، - دەپ حابارلايدى تengrinews.kz ءتىلشىسى نۇر-سۇلتان قالاسى اكىمدىگىنىڭ رەسمي سايتىنا سىلتەمە جاساپ.
بۇگىن باقىت سۇلتانوۆتىڭ توراعالىعىمەن اكىمدىكتىڭ كەزەكتى وتىرىسى ءوتىپ، وندا قالا تىرشىلىگىنىڭ وزەكتى ماسەلەلەرى قارالدى.
"قالا كوشەلەرىندەگى قوقىس ماسەلەسىنە ەرەكشە نازار اۋدارامىز. بۇگىن قالا باتپاققا باتقان! ماعان ءمالىم دەرەكتەر بويىنشا، قازىرگى تاڭدا اۋدان اكىمدىكتەرى سانيتارلىق تازالاۋ بويىنشا مەردىگەرلىك ۇيىمداردىڭ بارلىعىمەن كەلىسىمشارت جاساسپاعان. اۋدان اكىمدەرى، سىزدەر 1 ناۋرىزدا بارلىق شارالاردى اياقتاپ، كوشەلەردى تازالاۋدى باستاۋلارىڭىز كەرەك ەدى! بۇل جاعدايدا نە ىستەۋگە بولادى؟ نە دەگەن سالعىرتتىق بۇل؟! جۇمىستارىڭىزدى قالاي جوسپارلايسىزدار؟!", - دەگەن سۇلتانوۆ مەملەكەتتىك ساتىپ الۋ راسىمدەرىن جەدەلدەتۋدى، سونداي-اق قالانى سانيتارلىق تازالاۋ جۇمىستارىن باستاۋدى تاپسىردى.
بۇدان بولەك، باقىت سۇلتانوۆ قوقىس شىعارۋ جۇمىستارىنا ء"ساتسىز" دەگەن باعا بەردى.
"مەن قورشاعان ورتانى قورعاۋ باسقارماسىنا قوقىس الاڭدارى مەن كونتەينەرلەردىڭ جاعدايىن ەرەكشە باقىلاۋعا الۋدى، ولاردى ءتيىستى جاعدايعا كەلتىرۋدى جانە قوقىستى ۋاقىتىندا شىعارۋدى قامتاماسىز ەتۋدى تاپسىرعان بولاتىنمىن. جۇمىس ءساتسىز اياقتالدى، تاپسىرما ورىندالمادى! بۇرىنعىداي قوقىس ۋاقىتىندا شىعارىلمايدى، قۇرىلىس قوقىستارى جينالادى، الاڭدار تازارتىلمايدى، ولاردىڭ جاعدايى پوليگوننان دا سوراقى!", - دەدى قالا اكىمى قورشاعان ورتانى قورعاۋ جانە تابيعاتتى پايدالانۋ باسقارماسىنىڭ باسشىسى مۇسا تاناباەۆقا.
قالا اكىمىنىڭ ايتۋىنشا، كوپتەگەن قوقىس كونتەينەرلەرى بۇلىنگەن. وسىعان بايلانىستى سۇلتانوۆ ءوز ورىنباسارى ارمان تۇرلىبەككە قوقىس شىعاراتىن كومپانيالارعا نۇسقاۋلىق وتكىزۋدى، جاۋاپكەرشىلىك شارالارىن كۇشەيتۋدى جانە بارلىق قوقىس الاڭدارىندا بەينەباقىلاۋ كامەرالارىن ورناتۋ ماسەلەسىن پىسىقتاۋدى تاپسىردى. سونىمەن قاتار، قالا كوشەلەرىن سۋ باسۋ جاعدايى قالا اكىمدىگىنىڭ الاڭداۋشىلىعىن تۋعىزدى. جىل باسىنان وسى ماسەلە بويىنشا 2 984 ءوتىنىش كەلىپ ءتۇسىپتى.
"قالا تۇرعىندارىنىڭ الدىندا ەسەپ بەرۋ كەزدەسۋىندە مەن ەلوردانىڭ بۇدان بىلاي سۋ استىندا قالمايتىندىعىنا ۋادە بەرگەن ەدىم. قار ەرىپ، جاڭبىر جاۋدى، مىنە، قالانىڭ جارتىسى سۋعا باتتى! جول قۇرىلىسى قالاي جوبالانادى؟ نەگە سۋدى تابيعي بۇرۋ جۇيەسى قاراستىرىلماعان؟ ءسىز دۇرىس نە دۇرىس جوبالامايسىز، نە ماسەلەگە نەمقۇرايلى قارايسىز", - دەدى سۇلتانوۆ كولىك جانە جول-كولىك ينفراقۇرىلىمىن دامىتۋ باسقارماسىنىڭ باسشىسى اسحات قاراعويشينگە قاراتا.
ول، سونداي-اق، اۆتوموبيلدىك جولداردىڭ، اسىرەسە قار ەرىگەننەن كەيىنگى جاي-كۇيى ساپاسىنىڭ سىن كوتەرمەيتىندىگىن العا تارتتى. جينالىس قورىتىندىسى بويىنشا قالا اكىمى اۆتوكولىك جولدارى قۇرىلىسىنىڭ بارىسى مەن ساپاسىن جانە ولاردى پايدالانۋعا بەرۋدى باقىلاۋدى كۇشەيتۋدى تاپسىردى.
