Reseılik ánshi Irına Dýbovanyń Tashkent qalasynda josparlanǵan konerti ótpeıtin boldy. Bul týraly Anons.uz jazdy, dep habarlaıdy «Adyrna» tilshisi.
Basylymnyń málimetinshe, óner ıesi 25 maýsymda «Obi Hayot» meıramhanasynda óner kórsetedi dep kútilgen.
«Aqshany qaıtarý týraly suraqtar boıynsha bılette kórsetilgen nómirge habarlasyńyzdar»,—delingen habarlamada.
22 maýsymda ózbekstandyq ánshi Nargız Zakırova Irına Dýbovanyń josparlanǵan konertin synǵa alǵan bolatyn. Ol oqyrmandaryna «Ne sebepti barlyǵy Tashkentke asyǵady?» degen saýal tastap, keıin jazbasyn óshirip tastady.
Osydan birneshe kún buryn ózbekter Grıgorıı Lepstiń 23 qazan kúni Tashkentte ótetin konertine de narazylyq bildirdi. Keıin áleýmettik jelide «Is-shara bolmaıdy» degen habarlama tarady. Alaıda konertti uıymdastyrýshylar bul aqparatty joqqa shyǵardy.
Aıta keteıik, buǵan deıin Irına Dýbovanyń 24 maýsym kúni Qonaev qalasynda konert qoıǵaly jatqanyn jazǵan edik. Keıinnen «Casino Bellagio» qonaqúıi jelidegi resmı paraqshasynan ánshiniń óner kórsetetini týraly habarlandyrýdy alyp tastady.
Elimizde reseılik ánshi Grıgorıı Lepstiń Qonaev qalasynda 8 shildege josparlanǵan konerti de ótpeıtin boldy. Buǵan deıin qoǵam belsendileri onyń Reseı basqynshylyǵyn ashyq qoldaıtynyn atap ótip, Qazaqstanǵa kelýine qarsylyq bildirgen bolatyn.
