"ۆاگنەر" جەكە اسكەري كومپانياسىنىڭ (جاك) باسشىسى ۆاگنەر ەۆگەني پريگوجين ۇيىمداستىرعان قارۋلى بۇلىككە قاتىستى قىلمىستىق ءىستىڭ تەرگەۋى توقتاتىلعان جوق جانە جالعاسۋدا، دەپ حابارلايدى "ادىرنا" پورتالى رەسەيلىك باسىلىمعا سىلتەپ.
«25 ماۋسىم كۇنى باق پەن كەي Telegram ارنالارىندا پريگوجينگە قاتىستى ءىستى قوزعاۋ تۋرالى شەشىم زاڭدى جانە نەگىزدى دەپ تانىلىپ، ارتىنشا باس پروكۋراتۋرا بۇل شەشىمنىڭ كۇشىن جويدى دەگەن اقپارات تاراتقان بولاتىن. الايدا، «كوممەرسانت» گازەتىنىڭ دەرەككوزى قىلمىستىق ءىس قوزعاۋ تۋرالى شەشىم ءالى جويىلماعانىن، كوتەرىلىسكە قاتىستى تەرگەۋ جالعاسىپ جاتقانىن ايتتى. «كوممەرسانت» دەرەككوزىنىڭ ايتۋىنشا، "باسقا شەشىم قابىلداۋعا تىم از ۋاقىت وتكەن».
ەسكە سالايىق، 24 ماۋسىمعا قاراعان ءتۇنى پريگوجين رەسەيدىڭ رەسمي اسكەري باسشىلىعىن سوققى بەردى دەپ ايىپتاپ، ءوزى "ادىلەت مارشى" دەپ اتاعان اسكەري نارازىلىق شاراسىن وتكىزگەن. ولار دونداعى روستوۆ قالاسىنان ماسكەۋگە 200 شاقىرىم قالعانشا ءجۇرىپ بارعان. بۇلىك فاكتىسى بويىنشا قىلمىستىق ءىس قوزعالدى. سوڭعى ساتتە، رەسمي نۇسقا بويىنشا، بەلارۋس پرەزيدەنتى الەكساندر لۋكاشەنكونىڭ اراشالاۋىمەن پريگوجين مامىلەگە كەلىپ، اسكەرىن ماسكەۋدىڭ شەتىنە قايتاردى. سونداي-اق رەسەي پرەزيدەنتىنىڭ ءباسپاسوز حاتشىسى قىلمىستىق ءىستى توقتاتۋ تۋرالى شەشىم قابىلدانعانىن حابارلاعان.
