ۇلتتىق اقپارات كەڭىستىگىندە كەڭەس وداعىنا ءتان قىزىل جالاۋ، كوممۋنيزم نىشاندارى مەن قر تۋىن ۇستاپ شەرۋلەتكەن قازاقستاندىقتاردىڭ ۆيدەوسى تارادى، دەپ حابارلايدى "ادىرنا" ۇلتتىق پورتالى.
وراق پەن بالعا بەينەلەنگەن قىزىل نىشاندار مەن قر تۋىن ۇستاعان ازاماتتاردىڭ شەرۋىن پوليتسيا قىزمەتكەرى توقتاتادى. ء"بىز بۇل ەستەلىكتەرگە ادالمىز" دەگەن جازۋى بار پلاكاتتى، "تاعزىم" اتتى جالاۋشانى ۇستاعان ءبىر توپ تۇرعىن پوليتسيا قىزمەتكەرلەرىنە قارسىلىق تانىتىپ، شەرۋدىڭ ماقسات-مۇددەسىن تۇسىندىرۋدەن باس تارتادى. پوليتسيا قىزمەتكەرىنىڭ ۇستىنەن شاعىمداناتىنىن ايتىپ، قۇقىعىنىڭ تاپتالعانىن العا تارتادى. ەكى ورتادا اۋلادا جۇگىرىپ جۇرگەن ازاماتتار داۋعا ارالاسادى.
شەرۋلەرتكەن توپ داۋ اراسىندا "ۇلى وتان سوعىسىنىڭ باستالعان كۇنى ەكەندىگىن" ەسكە سالىپ ۇلگەرەدى.
ء"بىز ءبارىمىز كەڭەس وداعىنىڭ شەكپەنىنەن شىققانبىز", "اسقار، ءتۇسىن ونى. قانداي ايانىشتى. مەن ونى سوندىق ايايمىن. ۇياتقا قالدى بۇلار", "بۇل ءبىزدىڭ تاريح" دەپ شاعىمدانادى تۇرعىندار.
ازىرگە بۇل وقيعاعا قاتىستى رەسمي اقپارات ايتىلمادى.
"ادىرنا" ۇلتتىق پورتالى
