Ulttyq aqparat keńistiginde Keńes Odaǵyna tán qyzyl jalaý, kommýnızm nyshandary men QR týyn ustap sherýletken qazaqstandyqtardyń vıdeosy tarady, dep habarlaıdy "Adyrna" ulttyq portaly.
Oraq pen balǵa beınelengen qyzyl nyshandar men QR týyn ustaǵan azamattardyń sherýin polıııa qyzmetkeri toqtatady. "Biz bul estelikterge adalmyz" degen jazýy bar plakatty, "Taǵzym" atty jalaýshany ustaǵan bir top turǵyn polıııa qyzmetkerlerine qarsylyq tanytyp, sherýdiń maqsat-múddesin túsindirýden bas tartady. Polıııa qyzmetkeriniń ústinen shaǵymdanatynyn aıtyp, quqyǵynyń taptalǵanyn alǵa tartady. Eki ortada aýlada júgirip júrgen azamattar daýǵa aralasady.
Sherýlertken top daý arasynda "Uly Otan soǵysynyń bastalǵan kúni ekendigin" eske salyp úlgeredi.
"Biz bárimiz Keńes odaǵynyń shekpeninen shyqqanbyz", "Asqar, túsin ony. Qandaı aıanyshty. Men ony sondyq aıaımyn. Uıatqa qaldy bular", "Bul bizdiń tarıh" dep shaǵymdanady turǵyndar.
Ázirge bul oqıǵaǵa qatysty resmı aqparat aıtylmady.
"Adyrna" ulttyq portaly
