Reseılik jýrnalıst, Nobel syılyǵynyń ıegeri Dmıtrıı Mýratov Germanııada ótken Global Media Forum konferenııasynda Reseı men Ýkraına arasyndaǵy soǵystyń saldaryn aıtyp berdi, dep habarlaıdy “Adyrna” ulttyq portaly.
Onyń aıtýynsha, Reseı men Ýkraına endi eshqashan baýyrlas halyq bola almaıdy.
Reseıde «soǵys» sózine tyıym salynǵandyqtan jáne «tozaq» sózin aıtýǵa áli de ruqsat etilgendikten, men «tozaq» sózin qoldanamyn. Arnaıy áskerı operaııa jalǵasyp jatyr. Alaıda onyń nátıjesi qazirdiń ózinde túsinikti. Men sizderge sonyń saldaryn aıtaıyn. Ýkraına men Reseı endi eshqashan birge bolmaıdy, endi eshqashan baýyrlas halyq bolmaıdy, ásirese biri ózin aǵa sanap otyrsa, - deıdi Dmıtrıı Mýratov.
Sondaı-aq, ol Reseıde iri geografııalyq jańalyq bar, ıaǵnı Reseı úshin endi Eýropaǵa jol jabylǵanyny aıtty.
Reseıde Qudaı aýysty, reseılik pravoslavıe shirkeýi arnaıy áskerı operaııany qoldap, ólimdi nasıhattaı bastady. Otan úshin ómir emes, Otan úshin ólim – bul jańa din. Shirkeý qyzmetkeri ulynan aıyrylǵan analardyń nelikten jylaıtynyn bylaı túsindiredi. Protoıereı Vasılev: «Eger siz kontraeptıvterdi qoldanbasańyz, kóp bala týar edińiz, sizde jalǵyz bala bolmas edi, sodan keıin onymen qoshtasý sonshalyqty qorqynyshty bolmas edi» deıdi. Bul teledıdardan aıtyldy. Mine, taǵy bir teris nátıje, - deıdi jýrnalıst.
Jýrnalıstiń sózine súıensek, Reseıdi soǵys bastalǵaly beıbitshilikti jaqtaǵandarǵa qatysty 20 myń is ashylǵan. Tipti Parlamentte beıbitshilikti jaqtaıtyn birde-bir depýtat joq kórinedi.
Nelikten olar búlik shyǵarmaıdy? Barlyq orys qul ma? Men bul suraqtan qashpaımyn, suraqqa suraqpen jaýap beremin. Qaıda aıtý kerek? Qaıda narazylyq bildirýge bolady? Mıtıngke tyıym salynǵan. 600 saıası tutqyn túrmede otyr. Beıbitshilikti jaqtaǵandarǵa qatysty 20 myń is ashyldy. 300 táýelsiz medıa jabyldy. Parlamentte beıbitshilikti jaqtaıtyn birde-bir depýtat joq. Qamaýda otyrǵan adamdarǵa qurmet kórsetip, janashyrlyq tanytyp, kómektesýimiz kerek, - dedi Dmıtrıı Mýratov.
