قازاقستان پرەمەر-ءمينيسترى ءاليحان سمايىلوۆ ءىس-ساپارمەن تبيليسيگە باردى، دەپ حابارلايدى “ادىرنا”.
كەزەكتى ساپارىندا ول گرۋزيا پرەمەر-ءمينيسترى يراكلي گاريباشۆيليمەن كەلىسسوز جۇرگىزدى. كەلەلى كەزدەسۋدە اليحان سمايىلوۆ قازاقستان مەن گرۋزيانى بۇرىننان كەلە جاتقان دوستىق جانە جان-جاقتى ىنتىماقتاستىق بايلانىستىرىپ، ەكىجاقتى ءوزارا ءىس-قيمىل مەملەكەتارالىق بايلانىستاردىڭ بارلىق سپەكترى بويىنشا ءداستۇرلى جوعارى دەڭگەيدە ەكەنىن اتاپ ءوتتى.
سونىمەن قاتار، ۇكىمەت باسشىسى گرۋزيانىڭ قازاقستان ءۇشىن ماڭىزدى سەرىكتەس ەكەنىن دە ايتتى. مىسالى، 2022 جىلى قازاقستان مەن گرۋزيا اراسىنداعى تاۋار اينالىمى 7 ەسە ءوسىپ، قورىتىندى رەكوردتىق $600 ملن-عا جەتتى. اتالعان سالا بيىل دا قارقىندى دامىپ كەلەدى، ياعني 4 ايدا ءوزارا ساۋدا كولەمى 5 ەسە ۇلعايىپ، $167 ملن بولعان.
ءاليحان سمايىلوۆ قازاقستان مەن گرۋزيا ىنتىماقتاستىعىندا كولىك ءترانزيتى سالاسىنىڭ ءرولى ماڭىزدى ەكەنىن ايتتى. سەبەبى ەكى مەملەكەتتىڭ اۋماعى ارقىلى ءىرى ترانسكونتينەنتالدىق كولىك دالىزدەرى – ەۋروپادان قىتايعا جانە وڭتۇستىك-شىعىس ازياعا ەڭ
قىسقا جولدار وتەدى.
«قازاقستان مەن گرۋزيا ىنتىماقتاستىعىن دامىتۋدا ترانسكاسپي حالىقارالىق كولىك باعىتىنىڭ ماڭىزى زور. ءبىز ءوڭىردىڭ كولىك بايلانىسىن ارتتىرۋعا جانە ترانزيت جاعدايلارىن كەزەڭ-كەزەڭمەن جاقسارتۋعا مۇددەلىمىز. بۇل جوسپارلاردا ءبىز گرۋزيانىڭ ترانزيتتىك جانە كولىك الەۋەتىن ەسكەرەتىنىمىز ءسوزسىز»، — دەدى ءاليحان سمايىلوۆ.
كەلىسسوزدە قازاقستان مەن گرۋزيا ۇكىمەتتەرىنىڭ باسشىلارى ءوزارا تاۋار اينالىمىن ۇلعايتۋ مۇمكىندىكتەرىن، كولىك ينفراقۇرىلىمىن دامىتۋ جانە تحكب-دا بىرىڭعاي لوگيستيكالىق وپەراتور قۇرۋ، سونداي-اق ول ارقىلى وتەتىن جۇك اعىنىن تسيفرلاندىرۋ ماسەلەلەرىن تالقىلادى. رەسمي ساپار اياسىندا «قازاقستان تەمىر جولى» ۇك» اق مەن «گرۋزيا تەمىر جولى» اق اراسىندا بىرلەسكەن كاسىپورىن قۇرۋ مەن ونىڭ جۇمىسىنىڭ بازالىق قاعيداتتارى تۋرالى ۇشجاقتى كەلىسىمگە دە قول قويىلدى. كەشە بۇل قۇجاتقا «ازەربايجان تەمىر جولدارى» جاق قول قويدى.
كەلىسسوزدەر قورىتىندىسى بويىنشا ەكى ەلدىڭ ۇكىمەت باسشىلارى باسپاسوزگە مالىمدەمە جاساعان.
رەداكتسيا تاڭداۋى
