Qazaqstan Premer-Ministrı Älihan Smaiylov ıs-saparmen Tbilisige bardy, dep habarlaidy “Adyrna”.
Kezektı saparynda ol Gruziia Premer-Ministrı İraklii Garibaşvilimen kelıssöz jürgızdı. Kelelı kezdesude Älihan Smaiylov Qazaqstan men Gruziiany būrynnan kele jatqan dostyq jäne jan-jaqty yntymaqtastyq bailanystyryp, ekıjaqty özara ıs-qimyl memleketaralyq bailanystardyŋ barlyq spektrı boiynşa dästürlı joǧary deŋgeide ekenın atap öttı.
Sonymen qatar, Ükımet basşysy Gruziianyŋ Qazaqstan üşın maŋyzdy serıktes ekenın de aitty. Mysaly, 2022 jyly Qazaqstan men Gruziia arasyndaǧy tauar ainalymy 7 ese ösıp, qorytyndy rekordtyq $600 mln-ǧa jettı. Atalǧan sala biyl da qarqyndy damyp keledı, iaǧni 4 aida özara sauda kölemı 5 ese ūlǧaiyp, $167 mln bolǧan.
Älihan Smaiylov Qazaqstan men Gruziia yntymaqtastyǧynda kölık tranzitı salasynyŋ rölı maŋyzdy ekenın aitty. Sebebı ekı memlekettıŋ aumaǧy arqyly ırı transkontinentaldyq kölık dälızderı – Europadan Qytaiǧa jäne Oŋtüstık-Şyǧys Aziiaǧa eŋ qysqa joldar ötedı.
«Qazaqstan men Gruziia yntymaqtastyǧyn damytuda Transkaspii halyqaralyq kölık baǧytynyŋ maŋyzy zor. Bız öŋırdıŋ kölık bailanysyn arttyruǧa jäne tranzit jaǧdailaryn kezeŋ-kezeŋmen jaqsartuǧa müddelımız. Būl josparlarda bız Gruziianyŋ tranzittık jäne kölık äleuetın eskeretınımız sözsız», — dedı Älihan Smaiylov.
Kelıssözde Qazaqstan men Gruziia Ükımetterınıŋ basşylary özara tauar ainalymyn ūlǧaitu mümkındıkterın, kölık infraqūrylymyn damytu jäne THKB-da bıryŋǧai logistikalyq operator qūru, sondai-aq ol arqyly ötetın jük aǧynyn sifrlandyru mäselelerın talqylady. Resmi sapar aiasynda «Qazaqstan temır joly» ŪK» AQ men «Gruziia temır joly» AQ arasynda bırlesken käsıporyn qūru men onyŋ jūmysynyŋ bazalyq qaǧidattary turaly üşjaqty kelısımge de qol qoiyldy. Keşe būl qūjatqa «Äzerbaijan temır joldary» JAQ qol qoidy.
Kelıssözder qorytyndysy boiynşa ekı eldıŋ Ükımet basşylary baspasözge mälımdeme jasaǧan.
Ūqsas jaŋalyqtar
