اقتوبە وبلىسىندا جول اپاتىنان شەتەل ازاماتتارى قازا تاپتى، دەپ حابارلايدى «ادىرنا» ءتىلشىسى.
وبلىستىق پوليتسيا دەپارتامەنتىنىڭ مالىمدەۋىنشە، قايعىلى وقيعا 21 ماۋسىم كۇنى ساعات 8:15 شاماسىندا قوبدا اۋىلى ماڭىندا سامارا-شىمكەنت اۆتوجولىنىڭ 631 شاقىرىمىندا بولعان.
«Hyundai Starex اۆتوكولىگىنىڭ جۇرگىزۋشىسى، تاجىكستان رەسپۋبليكاسىنىڭ ازاماتى ءرولدى باسقارا الماي، اۆتوكولىكتى اۋدارىپ العان. سالدارىنان ەكى جولاۋشى، ونىڭ ىشىندە 15 جاستاعى كامەلەتكە تولماعان قىز بالا وقيعا ورنىندا قايتىس بولدى. 6 ادام قوبدا اۋدانىنىڭ اۋرۋحاناسىنا ءتۇرلى جاراقاتتارمەن جەتكىزىلدى. وندا 2 ادام، ونىڭ ىشىندە 1 كامەلەتكە تولماعان بالا قايتىس بولدى»،—دەلىنگەن حابارلامادا.
الدىن الا بولجام بويىنشا، اۆتوكولىك جۇرگىزۋشىسى كولىك قۇرالىن شارشاڭقى كۇيدە باسقارعان.
