الماتى ماڭىندا ادام ولىمىمەن اياقتالعان جول-كولىك وقيعاسى ۆيدەوعا ءتۇسىپ قالدى، - دەپ حابارلايدى “ادىرنا” ۇلتتىق پورتالى.
الەۋمەتتىك جەلىدە وقيعا ورنىنان تۇسىرىلگەن ۆيدەو پايدا بولدى.
كادرلارعا قاراعاندا، كولىك ەكىگە قاق بولىنگەن. ۆيدەودا ەكى ءمايىتتىڭ قاتار جاتقانىن كورۋگە بولادى.
كۋاگەرلەردىڭ ايتۋىنشا، اپات وتەگەن باتىر اۋىلىنىڭ (گرەس) ماڭىندا، ەركىن اۋىلىنا قاراي بۇرىلىستا بولعان.
الماتى وبلىسىنىڭ پوليتسيا دەپارتامەنتى وقيعانىڭ ءمان-جايىن حابارلادى.
«اعىمداعى جىلدىڭ 16 ساۋىرىندە «Daewoo Nexia» اۆتوكولىگىنىڭ جۇرگىزۋشىسى بايسەركە كەنتىنىڭ كوشەلەرىنىڭ بىرىندە سولعا بۇرىلىپ كەلە جاتىپ، قارسى كەلە جاتقان «لەكسۋس» كولىگىمەن سوقتىعىسقان. «Daewoo Nexia» كولىگىندەگى 24 جاستاعى جولاۋشى العان جاراقاتتارىنان وقيعا ورنىندا كوز جۇمدى. سونداي-اق، ءتۇرلى دەنە جاراقاتتارىمەن «نەكسيا» كولىگىنىڭ جۇرگىزۋشىسى وتەگەن باتىر اۋىلىنداعى اۋرۋحاناعا جەتكىزىلىپ، ەسىن جيماي، سول جەردە قايتىس بولدى»، - دەدى پوليتسيا.
اتالمىش دەرەك وقىستان ورىن الىپ، ەكى جانە ودان دا كوپ ادامنىڭ ولىمىنە اكەپ سوقتىرعان جول قوزعالىسى ەرەجەسىن بۇزعان فاكت رەتىندە ىلە اۋداندىق ىشكى ىستەر بولىمىنە تىركەلدى.
«قازىرگى ۋاقىتتا بارلىق قاجەتتى ساراپتامالار تاعايىندالىپ، تەرگەۋ شارالارى جۇرگىزىلۋدە»، - دەپ حابارلادى پوليتسيادان.
پوسموترەت ەتۋ پۋبليكاتسيۋ ۆ Instagram
