جاراقات العان ايەل وبلىستىق اۋرۋحاناعا جەتكىزىلدى
اتىراۋ اۋەجايىندا پوليتسيا قىزمەتكەرى ابايسىزدا ايەل ادامنىڭ اياعىنان وق اتقان، دەپ حابارلايدى جەرگىلىكتى اقجايىق باسىلىمى.
29 ناۋرىز كۇنى ساعات 16.30 كەزىندە جولاۋشىلار تەرمينالىندا اتىلعان وق ءۇنى شىقتى. بولجام بويىنشا، پوليتسيانىڭ جەلىلىك ءبولىمىنىڭ قىزمەتكەرى تابەلدىك قارۋىن تەكسەرمەك بولىپ، بايقاۋسىزدا شۇرىپپەنى باسىپ جىبەرىپتى.
اتىلعان وق كۇتۋ زالىندا وتىرعان اتىراۋ تۇرعىنىنىڭ اياعىنا تيگەن. جاس ايەل اۋەجايعا استانادان كەلە جاتقان تۋىستارىن قارسى الۋعا بارعان ەكەن.
زارداپ شەگۋشى وبلىستىق اۋرۋحاناعا جەتكىزىلدى. پوليتسيا سوتقا دەيىنگى تەرگەۋ جۇمىستارىن جۇرگىزىپ جاتىر.
