ءانشى تورەعالي تورەالىنىڭ ۇستىنەن قىلمىستىق ءىس قوزعالدى. بۇل تۋرالى الماتى قالالىق پوليتسيا دەپارتامەنتى ايتتى، دەپ حابارلايدى «ادىرنا» ءتىلشىسى.
باسقارما ونەر ادامىنىڭ تەرگەۋ يزولياتىرىندا ەكەنىن اتاپ ءوتتى.
«جاقىندا پوليتسيا قىزمەتكەرلەرىمەن ەسىرتكىلىك ماساڭ كۇيىندە كولىك جۇرگىزگەنى ءۇشىن ۇستالعان، ءمااس شەشىمىمەن 20 تاۋلىككە اكىمشىلىك قاماۋعا الىنعان ا.ەسىمدى ازامات، الماتى قالاسى پد-ءنىڭ اكىمشىلىك قاماۋعا الىنعاندارعا ارنالعان ۇستاۋ يزولياتورىندا وتىرعانىن حابارلايدى. مەديتسينالىق ساراپتامانىڭ قورىتىندىسىنا سايكەس، ونى اكىمشىلىك قاماۋعا الۋدان بوساتۋعا كورسەتكىش جوق»،- دەلىنگەن حابارلامادا.
بۇدان بولەك انشىگە قىلمىستىق كودەكستىڭ 378-بابى ( بيلىك وكىلىن قورلاۋ) قىلمىستىق قۇقىق بۇزۋشىلىق بەلگىلەرى بويىنشا دا قىلمىستىق ءىس تىركەلگەن.
اتالعان قىلمىستىق ءىس بويىنشا ءوندىرىستى الماتى قالاسى پد انىقتاۋ باسقارماسى جۇرگىزىپ جاتىر.
