مەملەكەت باسشىسى وڭىرلەردە 10 مىڭ حالىققا 100 جاڭا جۇمىس ورنىن قۇرۋدى تاپسىرعان بولاتىن. بۇل باعىتتا قازىر قالادا ءتيىستى كەشەندى شارالار جۇزەگە اسىرىلۋدا. حالىقتى جۇمىسپەن قامتۋ شارالارىنا بيىل 57 مىڭ ادام جوسپارلانىپ، ونىڭ 42 مىڭىن تۇراقتى جۇمىسپەن قامتۋ جوسپارلانۋدا. بۇگىن استانا قالاسىنداعى قر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگ بارىسىندا قالا اكىمى مۇرات ايتەنوۆ وسىلاي دەدى.
جىل باسىنان مەگاپوليستە 14 مىڭنان استام ادام تۇراقتى جۇمىسپەن قامتىلدى. سوڭعى جىلدارى قالادا جۇمىسپەن قامتۋ شارالارى كۇشەيتىلىپ وتىر. وسىنىڭ ناتيجەسىندە الەۋمەتتىك كومەك الۋشىلار سانى وتكەن جىلمەن سالىستىرعاندا 22 پايىزعا ازايىپ، 10 794 وتباسىن قۇرادى.
