Tóreǵalı Tóreáli esirtkige mas kúıinde kólik júrgizgeni úshin 20 táýlikke qamaýǵa alyndy, - dep habarlaıdy "Adyrna" portaly.
Almaty qalasynyń ákimshilik quqyq buzýshylyq ister jónindegi mamandandyrylǵan aýdanaralyq sotynda QR ÁQBtK-niń 608-babynyń 3-bóligimen kólik quralyn mas kúıinde basqaryp, nátıjesinde kólik quraldaryna zııan keltirý faktisi boıynsha ákimshilik is qaraldy.
«Sot 2023 jyly 14 maýsymda esirtkilik masań kúıde kólik júrgizip kele jatyp, patrýldik kólikti qaǵyp ketkenin, JKO nátıjesinde kólikterge mehanıkalyq zaqym kelgeni anyqtaldy.
Sot otyrysynda quqyq buzýshy is materıaldarynda kórsetilgen faktilerdi rastap, ókindi.
Sot qaýlysymen ÁQBtK-niń 608-babynyń 3-bóligimen kózdelgen ákimshilik quqyq buzýshylyqty jasaǵany úshin kináli dep tanylyp, oǵan kólik quralyn 7 jyl merzimge basqarý quqyǵynan aıyra otyryp, 20 táýlikke qamaýǵa alý túrindegi ákimshilik jaza taǵaıyndaldy», - delingen sot habarlamasynda.
Sot úkimi zańdy kúshine engen joq.
