پرەزيدەنت جانىنداعى حالىقتىڭ الەۋمەتتىك جاعىنان وسال ساناتتارىنىڭ قۇقىقتارى جونىندەگى ۋاكىل قىزمەتىنە سۆەتلانا جاقىپوۆا كەلدى، دەپ حابارلايدى «ادىرنا» ءتىلشىسى اقورداعا سىلتەمە جاساي وتىرىپ.
مەملەكەت باسشىسىنىڭ وكىمىمەن سۆەتلانا جاقىپوۆا قازاقستان رەسپۋبليكاسى پرەزيدەنتى جانىنداعى حالىقتىڭ الەۋمەتتىك جاعىنان وسال ساناتتارىنىڭ قۇقىقتارى جونىندەگى ۋاكىل لاۋازىمىنا تاعايىندالدى.
ءوز ماماندىعى - پەداگوگ. ءبىر كەزدەگى تسەلينوگراد مەملەكەتتىك پەداگوگيكالىق ينستيتۋتىنىڭ تۇلەگى. كەيىن الماتى ەكونوميكا جانە ستاتيستيكا اكادەمياسىن تامامداعان. ەڭبەك جولىن باستاۋىش مەكتەپ وقۋشىلارىنىڭ تاربيەشىسى، مۇعالىمى رەتىندە باستاعان.
بۇگىنگى تاعايىنداۋعا دەيىن سۆەتلانا جاقىپوۆا ەڭبەك جانە حالىقتى الەۋمەتتىك قورعاۋ ۆيتسە-ءمينيسترى بولعان. 2019 جىلى 4 اقپاندا استانادا ءبىر وتباسىنىڭ 5 بالاسى ورتتەن قازا تاپقان كەزدە ول قوعامدا اتىشۋلى جاۋابىمەن ەستە قالعان.
30 شارشى مەترلىك ءۇيدىڭ توبەسى جانىپ ورتاسىنا ءتۇسىپ، سونىڭ سالدارىنان 2006, 2008, 2013, 2015 جانە 2018 جىلى تۋعان بەس قىز بالا قازا تاپقان. بۇل كەزدە ولاردىڭ اتا-انالارى جۇمىستا بولعان. وقيعادان سوڭ تىلشىلەر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى سۆەتلانا جاقىپوۆادان "بالالاردىڭ اتا-اناسى نەگە تۇندە جۇمىس ىستەۋگە ءماجبۇر بولعان؟" دەپ سۇراعان. جاقىپوۆا سوندا "بۇل - ولاردىڭ ءوز تاڭداۋى" دەپ جانى اشىماستىقپەن جاۋاپ بەرگەن.
ۆيتسە-ءمينيستردىڭ بۇل ءسوزى قوعامدا سىنعا ۇشىراپ، كەيىننەن ول قىزمەتتەن كەتكەن. سودان بەرىدە جاقىپوۆا جاۋاپتى قىزمەتكە تاعايىندالعان ەمەس.
2019 جىلى بەس نارەستەنىڭ ولىمىنەن كەيىن استانادا انالار نارازىلىعى ۇلعايعان. سول جىلى كوكتەمدە مەملەكەت باسشىسى نۇرسۇلتان نازارباەۆ قىزمەتتەن كەتكەن. ول كونستيتۋتسيا بويىنشا پرەزيدەنت قۇزىرەتىن سول كەزدەگى سەنات توراعاسى قاسىم-جومارت توقاەۆقا تابىستاعان.
ۇقساس جاڭالىقتار
