رەسەيدىڭ قازاقستانمەن شەكارالاس ءوڭىرى – التاي ولكەسىنىڭ ميحايلوۆسك اۋدانىندا ءورت شىقتى. بۇل تۋرالى تاسس اگەنتتىگى جاريالادى، دەپ حابارلايدى “ادىرنا” ۇلتتىق پورتالى.
ءتىلسىز جاۋدى سوندىرۋگە ارنايى پويىز تارتىلدى. پويىز ارنايى تەحنيكالاردى 120 توننا سۋمەن قامتاماسىز ەتتى.
ورت قازاقستان اۋماعىنان كەلگەن. ونى سوندىرۋگە جەل كەرى اسەرىن تيگىزىپ جاتىر. ازىرشە جالىن 1 مىڭ گەكتار اۋماقتا وقشاۋلاندىرىلدى. ءورت سوندىرۋشىلەر ونى 800 ادام تۇراتىن باستان اۋىلىنان 9 شاقىرىم جەردە وشىرە الدى.
ءتىلسىز جاۋمەن كۇرەسكە 82 مامان، 42 تەحنيكا، سونىڭ ىشىندە تىكۇشاق، 4 اۆتوتسيستەرنا، 24 ءورت ءسوندىرۋ تەحنيكاسى، 8 تراكتور جۇمىلدىرىلعان. التاي ولكەسى تابيعاتتى قورعاۋ مينيسترلىگىنىڭ مالىمەتىنە قاراعاندا، جاعدايدى ەكپىندى جەل قيىنداتىپ وتىر.
جالىن باستان اۋىلىنا جانە وعان جاقىن ورنالاسقان باسقا دا ەلدى مەكەندەرگە جەتتى. بارلىق تۇرعىنعا ءورت قاۋپى ەسكەرتىلدى.
ۇقساس جاڭالىقتار
